وفاقی حکومت کو مذاکرات کا عندیہ دیتے نظر آتے سہیل آفریدی

رواں ہفتے کا آغاز ہوا تو پیر کی رات سونے سے قبل چند وزراء اور صفِ اوّل کے حکومتی نمائندوں کی ٹی وی سکرینوں پر تواتر سے رونمائی نے یہ پیغام دیا کہ منگل کے روز کسی بھی وقت خیبرپختونخوا میں ہنگامی حالات یا گورنر راج کا اطلاق ہوجائے گا۔ ان دونوں کے مابین فرق جاننے کے لئے اپنے تحریری آئین کی دو شقیں (232اور234) بہت غور سے پڑھیں۔ "قومی زبان" میں انہیں پڑھتے ہوئے ککھ سمجھ نہ آئی۔ دریافت فقط یہ ہوا کہ انتظامی اختیارات کو آئین کی زبان میں "عاملانہ" اختیارات وفرائض کہا جاتا ہے۔ انگریزی میں ان کے لئے ایگزیکٹو (Executive)کا لفظ استعمال ہوتا ہے۔ گھبرا کر انگریزی متن سے رجوع کرنا پڑا۔ بنیادی فرق یہ جانا کہ 232کا اطلاق صوبائی اسمبلی کو عملاََ مفلوج بناکر بھی برقرار رکھتا ہے۔ یوں وفاق "عوام کی منتخب کردہ" اسمبلی کو برطرف کرنے کے الزام سے بچ جاتا ہے۔ یہ فرق سمجھنے کے بعد خود کو یہ سمجھاتے ہوئے شرمندہ کرنے کی کوشش کی کہ سرکار مائی باپ ہم عامیوں کی جانب سے لگائی تہمتوں سے بے نیاز ہوتی ہے۔

منگل کا دن گزر گیا تو محسوس یہ ہوا کہ پیر کے دن حکومتی نمائندوں کی جانب سے خیبرپختونخوا حکومت کے خلاف جارحانہ انداز میں عائد کیے الزامات........

© Daily Urdu