Quzey Azərbaycanlı yazar Eluca Atalının son romanı “İran Hizbullah zindanında” adlanır, əsər dörd kitabdan ibarətdir və hər bir kitabın özünəməxsus özəlliyi vardır. Kitabın ümumi verdiyi mesaj – inqilab insan yetişdirmir, öz müxaliflərinə fiziki və psixoloji güc göstərməkdən çəkinmir. İnqilab qarşısına keçən yaxşı və pisə fərq qoymadan hamısını silib-süpürür, çünki onun üçün yalnız bir anlayış var: DÜŞMƏN! Romanda “düşmənlə” mübarizə üsulları, inqilabın acınacaqlı nəticələri üzərində insanın qələbə çalmasından ötrü apardığı ölüm-dirim mübarizəsi bədii formada əks olunur. Roman İran İslam inqilabı ideyasının Amerikadan gəlməsi və inqilab müəllifi kimi bəşərə tanıdılan imam Ayətullah Xomeyninin əslində Ağ Evin əmrlərinin icraçısı olduğu sübut olunur. İmamın kütləni idarə etməkdən ötrü inqilabdan dərhal sonra ictimai yerlərdə – bazar, xiyaban, universitet, məktəb və hətta doğum evlərinin qarşısında edam ağaclarının qurulmasına verdiyi fitva adamları qorxu ilə tərbiyə edib, qorxu hökmü altında onun əmrinə tabe olması məqsədini güdür. Əsərin qəhrəmanı on yaşlı Fatma Kərimi İnqilabın ilk ilində bir səhər sübh tezdən oyanıb evlərinin qarşısındakı dar cığırdan adamların şəhər meydanına qaçdıqlarının şahidi olduqda marağa düşüb onların arxasınca gedir. Gördüyü səhnədən ömründə ilk travmanı alır – meydanda hamının gözü qarşısında inqilab keşikçiləri bir insanı dar ağacından asırlar. İlk əvvəl bunun bir ciyabaz oyunu olduğunu zənn edən uşaq, düşünür ki, camaat bu meydana maraqlı tamaşanı izləyib şənlənmək üçün yığılıb, lakin hadisənin mahiyyətinə varanda sarsılır. Beləliklə də, bu sarsıntıdan o dəhşətli zərbə alır. Ona Səməd Behrənginin “Balaca Qara Balığın nağılı” kitabını oxumağı məsləhət görmüş müəllimi, şair Əlirza Şükrü Əfşar və öz şəxsi kitabxanasını ictimai........

© Turkish Forum