Batzuk dagoeneko Sevillan izango dira, gehienak bidean edo martxan jartzeko azken prestaketak lotzen; eta gutxi batzuek bihar bertan bidaiatuko dute. Luzeegi joan den itxaronaldiaren ostean, ... marea txuri-urdina Andaluziako hiriburuan lehorreratzear da, Kopa etxeratzeko prest. Eta azkenean horrela ez bada ere, inork ez diezaiela ostu realzaleon historian bere kapitulua izango duen egunaz gozatzeko eskubidea. Gero gerokoak. Futbolak berea baitu hori: bidaia, ilusioa, adiskidetasuna, elkarrekin partekaturiko une bereziak. Tamalez, baina, bestetik ere badu kirol honek eta horrexegatik bat baino gehiago mesfidantza puntu batekin ere abiatu da Sevillarantzat. Biharko arerioa Atlético de Madrid izango zela jakiteak eragindako mesfidantza eta nolabaiteko ezinegon horrekin, ezinbestean Aitor Zabaletaren oroimena baitakarkigu horrek burura. Orduan ere Atlético zuen arerio Realak, kasu hartan UEFAko kanporaketa batean, Madrilen. 1998ko abenduaren 8a zen eta partida hasi aurretik, Vicente Calderon futbol zelaiaren inguruetan, Frente Atléticoko Bastion azpitaldeko Ricardo Guerrak labankadaz hil zuen zale txuri-urdina.

Pasarte tamalgarri gehiagotan ere nahastuta ibili dira Frente Atléticokoak orduz geroztik, baina ezin esan bakarrak direnik, muturreko zaleen fenomenoak eta futbolak eskutik jarraitzen baitute egun ere, harreman hori erabat eta betiko hausteko neurriak hartzeko irmotasunik ez dagoen seinale. Datuek halaxe islatzen dute bederen, azken urteetan itxuraz apaltzen ari zen joera honek berriro ere gorantz egin baitu. Atzo albiste izan zen baita ere, Santanderko Racing taldeak sare sozialetan bere zaleentzat zabalduriko aholku mezua. Gaur Donostian izango dira, Realaren B taldearen aurkako partidarako, eta hiriko «gune arriskutsuak» saihesteko gomendatzen zien klubak zaleei, Ertzaintzaren aholkukoak jarraituz. Gomendio horien komenigarritasuna edo egokitasuna alde batera utzita, halakoak ohiko bihurtu izana bera da kezkagarriena.

Hala, bihar ere segurtasun neurri bereziak izango dira Sevillan. Espainiako Poliziak eta Guardia Zibilak prestaturiko segurtasun-dispositiboak –2.500 agente inguru, helikopteroak, droneak eta bestelako baliabideak tarteko– argi uzten du halako kirol-festak oraindik ere segurtasun erronka nabarmena dakarrela. Francisco Toscano Rodero Espainiako Gobernuak Sevillan duen ordezkariordeak adierazi du «talde arriskutsuak» kontrolpean izango dituztela, baina prebentzioz jokatzea ez da sobera izango. Ospakizuna eta jai giroa bai; ardura ere bai. Izan ere, eta amak esan ohi duen bezala: ondo joan eta ondo bueltatu. Eta Koparekin bada, hobe.

Límite de sesiones alcanzadas

El acceso al contenido Premium está abierto por cortesía del establecimiento donde te encuentras, pero ahora mismo hay demasiados usuarios conectados a las vez.

Por favor, inténtalo pasados unos minutos.

Al iniciar sesión desde un dispositivo distinto, por seguridad, se cerró la última sesión en este.

Para continuar disfrutando de su suscripción digital, inicie sesión en este dispositivo.

¿Tienes una suscripción? Inicia sesión

© El Diario Vasco