کفایت شعاری اور قائد اعظم

کفایت شعاری خوشحال زندگی گزارنے کا بہترین ذریعہ ہے اور فضول خرچی بربادی کا پیش خیمہ ہے۔ اسلام دین و دنیا کے معاملات اور زندگی کے تمام شعبوں میں بہترین انداز زندگی کی طرف رہنمائی کرتا ہے دین اسلام ہمیں اخراجات میں کفایت شعاری کا درس دیتا ہے تاکہ ہم اپنی زندگی کی الجھنوں اور پریشانیوں سے بچ سکیں۔ معیشت گھریلو ہو یا ملکی اخراجات پر کنٹرول کرنا ضروری ہے۔ دور حاضر میں معمولی سی نظر دوڑانے سے یہ بات عیاں ہو جاتی ہے کہ آج ہم محض دکھاوے کے شوق میں یا دوسروں سے آگے نکلنے کی خاطر اپنے بجٹ کا زیادہ حصہ فیشن اور دیگر غیر ضروری چیزوں میں صرف کر دیتے ہیں جس کی وجہ سے دوسروں پر بوجھ بنتے ہیں اور لوگوں سے ادھار مانگتے نظر آتے ہیں۔

یاد رکھیں کفایت شعاری میں ہی خوشی، عافیت اور سکون ہے جب کہ اس کے برعکس اگر خرچ کو منظم انداز میں نہ چلایا جائے تو گھروں میں بے سکونی، بے برکتی، شکوہ و شکایت، گھریلو جھگڑے اور ذہنی الجھنیں پیدا ہوتیں ہیں۔ اللہ تعالیٰ نے اپنے نیک بندوں کی صفات بیان کیں ہیں جس میں ایک کفایت شعاری بھی ہے جیسا کہ ارشاد........

© Daily Urdu