Creat: 18.04.2026 | 05:37

Actualitzat: 18.04.2026 | 05:37

Recentament a mòrt eth senhor Pere Lluís Font, filolog, teolog, traductor e escriptor qu’a plaçat era sua lengua, era catalana, en ua categoria mondiau indiscutible. Recebec era Creu de Sant Jòrdi, e perqué parli d’eth? Ac hèsqui pr’amor que m’a cridat era atencion es sues paraules en acte de liurament deth 57au. Prèmi d’Aunor des Letres catalanes quan l’ac autregèren didec: “S’èm ua nacion ei perqué auem ua lengua pròpria” e contunhe dident qu’ei “faussa era idèa de bilingüisme, perque segur que non i a pòbles bilingües, son monolingües, tot e que mos conven èster poliglots” complètament d’acòrd! Generaument cada país a ua lengua, qu’ei era natiua e dominanta, e segontes estudís hèts, s’obsèrve qu’es monolingües an un usatge mès eficient des airaus tipics deth lenguatge, que se complemente damb er usatge d’uns auti airaus deth cervèth, paraules d’Albert Costa, investigador deth Departament de Tecnologies dera Informacion e es Comunicacions, aguesta postura semble que refortilhe era identitat d’un lòc. Ara ben, mos interèsse èster poliglots, ei a díder conéisher d’autes lengües, mès enlà d’èster bilingüe o trilingüe, era persona que pòt comunicar-se de manèra eficienta en d’autes lengües a un gran potenciau, se pòt desvolopar sense besonh d’arrés e pr’amor que cada còp mos agrade mès viatjar e conéi-sher naues cultures o simplament eth constant movement de persones d’un país a un aute per diferenti motius. Açò non implique deishar era nòsta de costat, l’auem de considerar era basa deuant des autes.

E acabarè tamb es paraules deth poèta Maragall e que tanben eth premiat hec a servir: “Se nos prenen era lengua, mos ac prenen tot!!!”

© Segre