Villaviciosa presenta na Feria de Muestres el so Calendariu Sidreru: ocho cites pa disfrutar de la bebida asturiana

El programa inclúi esposiciones, concursos y xornaes hasta'l mes d'ochobre

El brinde pola declaración del Festival de la Mazana como Fiesta d'Interés Turísticu Nacional. / A. V.

Sixto Cortina (Traducción)

Villaviciosa presentó va unos díes na Feria Internacional de Muestres d'Asturies (FIDMA) el "Calendariu Sidreru 2026", una programación que va axuntar ocho actividaes ente'l 27 d'esti mes d'agostu y el 21 d'ochobre y que va sirvir p'allargar cerca de dos meses la promoción de la mazana y los llagares como una de les principales señes d'identidá del conceyu. L'actu sirvió pa celebrar, al par de representantes del sector, la declaración de recién del Festival de la Mazana como Fiesta d'Interés Turísticu Nacional.

El reconocimientu, concedíu pol Ministeriu d'Industria y Turismu'l 21 de xunetu pasáu, va permitir que la próxima edición del certame, prevista pa ochobre de 2027, seya la primera que lluza esti distintivu. El Conceyu brindó por esti finxu al par de representantes de la Denominación d'Orixe Protexida Sidra d'Asturies, empreses, productores y la mascota del festival, "Manzanina", nuna xornada que concluyó col taller infantil "Mayando entiéndese la xente".

A lo llargo de la presentación, l'alcalde, Alejandro Vega Riego,........

© La Nueva España