Ez da ezustekorik egon Kontxako banderaren bigarren jardualdian eta denporaldiko traineru indartsuenak eskuratu dau garaipena aurkariekiko nagusitasun handia erakutsita ganera. Iraileko bigarren domekako estropadeak ez deusku eskeini itxaroten genduan emozinoa. Izan be, Orioren aurkariek lehiaren lehenengo laurenean baino ez deutsoe eutsi Gorka Aranberrik zuzendutako traineruak ezarritako erritmoari. Dani Perezek, Zierbenako entrenatzaileak bigarren jardunaldia jokatu aurretik esan eban moduan, Oriok ez eban bere mailarik onena emon iraileko lehen domekako estropadan eta oso gatxa zan barriro be huts egitea. Bete betean asmau eban entrenatzaile galiziarrak. Izan be, ez dogu ahaztu behar Oriok hogeta bat garaipen lortu dituela aurtengo traineru denporaldian jokatu dituen hogeta lau estropadetan. Bilbo, Castro eta Getxoko banderak kenduta, ganerako guztiak irabazi........

© Deia