رشتہ ناطہ کو توڑنا اوررشتہ داری کا لحاظ نہ کرنا اللہ تعالیٰ کے نزدیک بہت ہی براعمل ہے صلہ رحمی واجب اور قطع تعلقی حرام ہے مگر افسوس ہمارے معاشرے میں یہ بری عادت بھی پائی جاتی ہے۔ ہمارے رشتہ دار ہمارے ساتھ حسن سلوک کریں یا نہ کریں شریعت مطہرہ ہمیں ان کے ساتھ اچھا سلوک کرنے کا درس دیتی ہے۔ صلہ رحمی کا مطلب رشتے کو جوڑنا ہے اور ان کے ساتھ یعنی رشتہ داروں کے ساتھ نیکی اور حسن سلوک کرنا جبکہ رشتہ داری کو توڑنا اور ان کے ساتھ نیکی اور اچھا سلوک نہ کر ناقطع رحمی یعنی تعلق توڑنا ہے۔ قرآن پاک میں اللہ تعالیٰ فرماتا ہے: اور اللہ تعالیٰ سے ڈرو جس کے نام پر مانگتے ہو اور رشتہ داروں کا لحاظ رکھو بے شک اللہ تعالیٰ ہر وقت تمہیں دیکھ رہا ہے (النساء 1)۔ ایک اور جگہ ارشاد ہے: پس تم سے اس بات کی توقع ہے کہ اگر تم والی بن جاؤ تو زمین میں فساد کرو اور اپنے رشتے ناطے کاٹ دو یہ لوگ جن پر اللہ تعالیٰ نے لعنت فرمائی ہے۔ پس انہیں بہرہ کردیا اور ان کی آنکھیں اندھی کر دیں (محمد ﷺ22-23)۔

ایک اور جگہ ارشاد ربانی ہے: اور یاد کرو جب بنی اسرائیل سے پختہ وعدہ لیاکہ اللہ تعالیٰ کے سوا کسی کی عبادت نہ کرنا اور ماں، باپ کے ساتھ اچھا سلوک کرنا اور قرابت داروں کے ساتھ بھلائی کرنا۔ (البقرہ 83) یہ حکم آپ ﷺ کی امت........

© Daily Urdu (Blogs)