"تاریخِ فلسفہ" اور "مغربی فلسفے کی تاریخ"

انسان جب سے اس کائنات میں وارد ہوا ہے، اس کے ذہن میں چند سوال مسلسل گردش کرتے رہے ہیں۔ میں کون ہوں؟ یہ دنیا کیا ہے؟ زندگی کا مقصد کیا ہے؟ سچائی کہاں ہے؟ خیر و شر کی حقیقت کیا ہے؟ یہی سوالات دراصل فلسفے کی بنیاد بنے۔ فلسفہ محض چند خشک نظریات یا کتابی مباحث کا نام نہیں بلکہ انسانی شعور کی وہ مسلسل جستجو ہے جو انسان کو اپنے وجود، اپنے ماحول، اپنی تہذیب اور اپنے خالق کو سمجھنے کی طرف لے جاتی ہے۔

تاریخِ فلسفہ دراصل انسانی عقل کے ارتقا کی تاریخ ہے۔ جب انسان نے پہلی مرتبہ آسمان پر ستاروں کو دیکھا، سمندر کی گہرائیوں پر غور کیا، موت اور زندگی کے راز پر سوچا، تبھی فلسفے کا سفر شروع ہوگیا تھا۔ اسی فکری سفر کو مختلف ادوار، مختلف تہذیبوں اور مختلف مفکرین کے ذریعے سمجھنے کی کوشش کی گئی ہے۔ جدید دور میں فلسفے کی تاریخ پر لکھی جانے والی جن کتابوں نے دنیا بھر میں غیر معمولی پذیرائی حاصل کی، ان میں اے سی گریلنگ کی کتاب "تاریخِ فلسفہ" اور برٹرینڈ رسل کی شاہکار تصنیف "مغربی فلسفے کی تاریخ" خصوصی اہمیت رکھتی ہیں۔ یہ دونوں کتابیں محض فلسفیوں کے تعارف تک محدود نہیں بلکہ انسانی فکر کی پوری داستان کو بیان کرتی ہیں۔

اے سی گریلنگ کی کتاب "تاریخِ فلسفہ" فلسفیانہ روایت کا ایک جامع اور شاندار مطالعہ پیش کرتی ہے۔ اس کتاب میں فلسفے کے آغاز سے لے کر جدید زمانے تک کے فکری ارتقا کو نہایت سادہ مگر عمیق انداز میں بیان کیا گیا ہے۔ گریلنگ کی سب سے بڑی خوبی یہ ہے کہ وہ مشکل ترین فلسفیانہ مباحث کو بھی عام قاری کے لیے قابلِ فہم بنا دیتے ہیں۔ فلسفہ اکثر لوگوں کو ایک پیچیدہ اور........

© Daily Urdu (Blogs)