"Sabah”ın litvalı baş məşqçisi Valdas Dambrauskas bir aydan artıqdır ki, həm idman mətbuatından, həm də azarkeşlərdən xoş ismarıcılar eşidir. Bu da səbəbsiz deyil. Onun çalışdırdığı komanda hazırda Azərbaycan çempionatının şəriksiz lideridir. Özü də bu liderlik kürsüsünə "Qarabağ”ı məğlub etməklə yüksəlib.

Atalarımız "igidi öldür, amma haqqını ver” deyiblər. Biz də elə etmişik. Hazırda "Sabah” turnir cədvəlinin 1-ci pilləsini 46 xalla "özəlləşdirib”. "Qarabağ” "Sabah”dan bir oyun az keçirməklə 39 xal toplayıb. Yəni ki, itirilən xalların sayına görə "Sabah” "Qarabağ”ı 4 xal qabaqlayır. Bu mövsüm "Sabah” Premyer Liqada keçirdiyi 19 oyunun yalnız birində məğlub olub, Dambrauskasın çalışdırdığı komandanın iştirakı ilə keçirilən daha dörd qarşılaşmada isə qalib müəyyənləşməyib. "Sabah”ın qələbə qazandığı oyunların sayı 14-dür ki, yetərincə yaxşı göstəricidir. Hazırkı templə davam etsə, "Sabah” "Qarabağ”ı taxtdan salıb, futbolumuzun tarixinə adını yeni çempion kimi yazdıra bilər.

........

© Qaynar