foto: Ivica Galović/PIXSELL

Najme, govori moja roditeljica - to njin trebe bit čast, a ne ni tlaka, ni zarada

Zadnje vrime, kamo god da dojden, si tambaškaju o vojske i obaveznomu vojnomu roku. Ni baš da me ta tema neš zanima, aš va momu okruženju si su altroke prestari za bit soldati, a podmlatka ni za lek. Jedina ka bi sigurno šla da more je, zna se ki. Njeje mišljenje je da muško mora poć va soldatiju i šlus. Kad ju pitan zač i zač leh muško, odgovori da j’ za muške vojska jedna vela škola ka ženskoj baš i ni potreba, mada ako neka će da gre – neka gre. Jako podržava tu odluku i namalja kako vojni rok ni ni trebalo ukinut, a ono ča njoj se ne pijaža je ča će ti mladići dobivat soldi zato ča su va vojske.

Najme, govori moja roditeljica – to njin trebe bit čast, a ne ni tlaka, ni zarada. Rekla san njoj da pu današnjeh mladeh vredi ona »nema džabe, ni kod stare babe«, i dobila šćapon po hrbatu aš da tako govoret ne priliči njejoj hćere, ča va prevodu znači da me ona ni tako odgajala. A onput smo, kako i vavek z današnjega vrimena........

© Novi List