Səhv eləmirəmsə, oktyabrın axırıncı günündə Qərb ölkələrində Hellouin deyə bir bayram qeyd olunur. Camaat özünü qulyabanı, əcinnə-filan, o cümlədən, populyar film qəhrəmanları sifətində bəzəyir, küçələrə çıxırlar. Bir-birlərini qorxudurlar, deyib-gülürlər, əylənirlər. Bu adət deyəsən bizim tərəflərdə də yayılmağa başlayıb. Ancaq hər il bundan narazılıq edənlər tapılır. Deyirlər, milli adət-ənənəmizə uyğun deyil.

Maraqlıdır ki, oxşar narazılıqlar Türkiyə, İranda da varmış. İranda hətta bunu qeyd edənləri tuturlar, cəzalandırırlar.

Görəsən, müsəlman aləmində qorxunc görkəmli varlıqların bayramı niyə neqativ qarşılanır? Məncə, bunun psixoloji səbəblərini 19-cu əsrin tanınmış islam filosofu, əslən azərbaycanlı Cəmaləddin Əfqani-nin özündən də məşhur aforizmi ilə izah etmək mümkündür: “Avropada İslam gördüm, müsəlman görmədim; Şərqdə müsəlman gördüm, İslam........

© Müsavat