پاک بھارت جنگ کے دوران بھارت اور افغانستان کے درمیان اعلیٰ ترین سطح پر خفیہ رابطوں کے طشت ازبام ہونے سے اب اس بارے کسی ابہام کی گنجائش نہیں کہ صرف مشرقی سرحد ہی پر ہمیں دشمنوں کا سامنا نہیں بلکہ مغربی سرحدوں پر بھی دشمن یا پھر ان کے اتحادی اور سہولت کار موجود ہیں برطانوی نشریاتی ادارے بی بی سی کی رپورٹ کے مطابق طالبان کے سربراہ ملا ہیبت اللہ کے قریبی ساتھی ابراہیم صدر نے حالیہ پاک بھارت شدید کشیدگی کے دوران خفیہ طور پر بھارت کا دورہ کیا۔ بی بی سی کے مطابق ابراہیم صدر نائب وزیر داخلہ اور اسٹریٹیجک فیصلوں میں اہم کردار ادا کرتے ہیں، جبکہ ان پر خود کش حملوں کی منصوبہ بندی پر عالمی پابندیاں بھی عائد کی گئی تھیں۔ بی بی سی کے مطابق ابراہیم صدر کو طالبان رہنما ملا ہیبت اللہ کے قریب سمجھا جاتا ہے اور انھیں طالبان حکومت کے اہم اور سٹریٹیجک سکیورٹی کے امور سے متعلق فیصلہ سازی میں اہمیت دی جاتی ہے۔ انڈین اخبار سنڈے گارڈیئن نے لکھا ہے کہ طالبان کے ایک ایسے سینئر عہدیدار کے ساتھ خفیہ مواصلاتی چینل کھولنا جو پاکستان کے بارے میں تنقیدی نظریات رکھتے ہیںظاہر کرتا ہے کہ انڈیا افغانستان........

© Mashriq