'Odisea'-ren XVII. kantuan, Antinook eskalez mozorrotutako Ulisesi jotzen dio soinburuan kaxeta batekin. Bertan dauden gazte harroetako batek makur eta zentzugabe jokatu izana leporatzen ... dio Antinoori. Eskale hori zeruko jainkoren bat izan daiteke, «jainkoak maiz asko ere ere atzerriko arrotzen itxura harturik eta asko modutan aldaturik ibiltzen baitira gure hirietan barrena gizonen ongia eta gaizkia hautemateko». Eskale hori Donostiara etorri ezkero, luze gabe atxilotu eta haren matrikula jakinaraziko dute agian. Ez gaude, noski, 'Odisea' eta 'Iliada'ren garaian, nahiz batzuetan hango basakeriak txiki geratu gaurko zenbaitekin alderatuta. Eta itxurak harturik doazenak, inauteriengatik doaz horrela, ez jainkoak direlako edo jainko izatera jolasten direlako.

Aurreiritziak ezabatze aldera hartu omen du udalak erabakia, arrotzen inguruko diskurtso populistak desaktibatzeko. Zalantzarik gabe, eztabaidagarria da neurria. Ez hainbeste neurriagatik beragatik, akaso, udalak informazioa nahi erara banatzeko bere buruari eman dion ahalmenagatik baizik. Intrigazko nobela onenetan bezala, informazioa dosifikatzea erabaki du, jakin-mina areagotzeko eta kudeaketa kontuekiko herritarrak horren arrotz ez izateko. Baina atxilotuei matrikula hartzen hasten bagara, zergatik ez hasi zabaltzen eraikuntza-enpresen eta alderdi politikoen artean egon daitezkeen loturak? Edo udalarekin zorretan dauden enpresarien sorlekuak? Edo zergatik ez airatu hirigintzan izaten diren korapilo ilunak? Diskurtso populistak desaktibatze aldera, jakina.

Límite de sesiones alcanzadas

El acceso al contenido Premium está abierto por cortesía del establecimiento donde te encuentras, pero ahora mismo hay demasiados usuarios conectados a las vez.

Por favor, inténtalo pasados unos minutos.

Al iniciar sesión desde un dispositivo distinto, por seguridad, se cerró la última sesión en este.

Para continuar disfrutando de su suscripción digital, inicie sesión en este dispositivo.

¿Tienes una suscripción? Inicia sesión

© El Diario Vasco