ملازمت پیشہ خواتین کی خواہشات

ملازمت پیشہ عورت کی زندگی بظاہر ایک کامیاب کہانی محسوس ہوتی ہے۔ اپنے پاؤں پر کھڑی، معاشی طور پر خود مختار اور سماجی شناخت کی حامل۔ مگر اس چمکتی تصویر کے پس منظر میں ایک ایسی دنیا بھی ہے جہاں خواہشات، دباؤ، تھکن اور ادھورے پن کی ایک مسلسل کشمکش جاری رہتی ہے۔

پاکستانی معاشرے میں ملازمت پیشہ عورت نہ صرف اپنے وجود کو منوانے کی جدوجہد کر رہی ہے بلکہ اسے اپنے ہر فیصلے کی وضاحت بھی پیش کرنی پڑتی ہے۔ اس کی خواہشات محض آسائش یا آزادی تک محدود نہیں بلکہ عزت، توازن، قبولیت اور سکون کی تلاش بھی ہیں۔

ایک ملازمت پیشہ عورت کی سب سے بڑی خواہش شاید یہی ہے کہ اسے بطور انسان دیکھا جائے، نہ کہ صرف ایک کردار کے طور پر۔ کبھی بیٹی، کبھی بیوی، کبھی ماں اور کبھی ملازمہ۔ وہ چاہتی ہے کہ اس کی محنت کو سراہا جائے، اس کی تھکن کو محسوس کیا جائے اور اس کے فیصلوں کو شک کی نگاہ سے نہ دیکھا جائے۔

حقیقت یہ ہے کہ اکثر اسے اپنی صلاحیتوں کو دوگنا ثابت کرنا پڑتا ہے تاکہ اسے وہی مقام مل سکے جو بآسانی مرد کو حاصل ہوتا ہے۔ عورت اپنے دن کا آغاز ایک دوہری ذمہ داری کے ساتھ کرتی ہے۔ گھر کے کام، بچوں کی دیکھ بھال اور دفتر کی مصروفیات۔ یہ سب ایک ہی وجود میں سمیٹ لینا آسان نہیں۔ اس کے باوجود وہ خود کو سنبھالتی ہے، وقت کو ترتیب دیتی ہے اور اپنے وجود کو ٹکڑوں میں بانٹ کر ہر جگہ پوری ہونے کی کوشش کرتی ہے۔

یہی مینجمنٹ اس کی زندگی کا سب سے بڑا امتحان ہے۔ وہ خود کو........

© Daily Urdu