پابندیوں کی زنجیریں دباؤ کے پہاڑ اور ایمان کی طاقت

دنیا کی تاریخ گواہ ہے کہ طاقتور قوتیں اکثر یہ سمجھتی ہیں کہ معاشی پابندیوں عسکری دباؤ اور دھمکیوں کے ذریعے کسی بھی قوم کو گھٹنے ٹیکنے پر مجبور کیا جا سکتا ہے لیکن ایران نے طویل عرصے سے جاری پابندیوں اور عالمی دباؤ کے باوجود اپنے مؤقف پر قائم رہ کر یہ واضح کیا ہے کہ کسی قوم کی طاقت کا اندازہ صرف اس کے معاشی وسائل جدید ہتھیاروں اور عالمی اتحادیوں سے نہیں لگایا جا سکتا اس کی قومی خودمختاری نظریاتی وابستگی اور مشکلات برداشت کرنے کی صلاحیت بھی اہم کردار ادا کرتی ہے۔

آج امریکہ، اسرائیل اور ایران کے درمیان کشیدگی محض تین فریقوں کا تنازع نہیں بلکہ یہ عالمی سیاست میں طاقت خودمختاری، سلامتی اور قومی مفادات کی کشمکش بھی ہے۔ فروری 2026 میں امریکہ اور اسرائیل کے ایران پر حملوں کے بعد تنازع نے مزید سنگین صورت اختیار کی جنگ بندی اور سفارتی کوششوں کے باوجود اختلافات برقرار ہیں جبکہ آبنائے ہرمز کی صورتِ حال پابندیوں اور جوہری پروگرام پر کشیدگی نے خطے کو غیر یقینی حالات سے دوچار کر رکھا ہے۔

امریکہ دنیا کی بڑی عسکری اور معاشی طاقت ہے اسرائیل کو بھی مضبوط عسکری صلاحیت حاصل ہے لیکن ایران کو دباؤ کے ذریعے اپنی شرائط تسلیم کرانے کی کوششیں اب تک کسی پائیدار حل تک نہیں پہنچ سکیں۔ ایران کی مزاحمت نے یہ حقیقت نمایاں کی ہے کہ طاقت کا استعمال ہمیشہ سیاسی کامیابی کی ضمانت نہیں ہوتا حالیہ مہینوں میں نئی پابندیوں اور معاشی دباؤ کے باوجود تہران نے اپنے بنیادی مؤقف سے دست بردار ہونے کے بجائے مذاکرات میں بھی اپنی شرائط پیش کی ہیں۔

یہاں ایک بنیادی سوال پیدا ہوتا ہے کیا کسی قوم کو صرف اس لیے اپنے مؤقف سے دست بردار ہو جانا چاہیے کہ اس کے مقابلے میں زیادہ طاقتور ممالک کھڑے ہیں ایران کے حامی اس کی استقامت کو خودمختاری،........

© Daily Urdu (Blogs)