شوکت خانم کینسر ہسپتال کراچی

کسی شخص کے انجام دیے گئے کاموں کا جائزہ لیتے ہوئے ہمیں یہ دیکھنا اور غور بھی کرنا چاہیئے کہ اس کی کوششوں سے عام لوگوں کو کیا فائدہ پہنچا اور معاشرے میں کون سی مثبت روایت قائم ہوئی۔ عمران خان کی زندگی کے مختلف پہلوؤں سے اختلاف یا اتفاق اپنی جگہ، لیکن شوکت خانم کینسر ہسپتال کے قیام اور اس فلاحی مشن کو آگے بڑھانے کی کوششوں کا ذکر کیے بغیر ان کی خدمات کا جائزہ مکمل نہیں ہو سکتا۔

میرا ماننا ہے کہ شوکت خانم کا معاملہ محض ایک ہسپتال کے قیام کی کہانی نہیں۔ یہ ایک ایسے جذبے کو عملی شکل دینے کی کوشش تھی اور ہے جس کے پیچھے یہ احساس موجود تھا کہ کینسر جیسے موذی مرض میں مبتلا کسی غریب انسان کو صرف اس لیے علاج سے محروم نہیں رہنا چاہیے کہ اس کے پاس مطلوبہ رقم موجود نہیں۔ لاہور میں شوکت خانم کینسر ہسپتال کا قیام، پھر پشاور میں اس مشن کو آگے بڑھانا اور اب کراچی میں اس منصوبے کی تکمیل کی کوشش، اسی فلاحی سفر کے مختلف مراحل ہیں۔

عمران خان کی اس کوشش کا ایک اہم پہلو یہ بھی ہے کہ اس میں عوام اور مخیر حضرات کے تعاون کو مرکزی اہمیت حاصل رہی ہے۔ کسی بڑے فلاحی ادارے کے قیام کے لیے محض ایک شخص کا عزم کافی نہیں ہوتا۔ اس کے لیے وسائل، مسلسل محنت اور لوگوں کا اعتماد بھی درکار ہوتا ہے۔ شوکت خانم کا تجربہ اس بات کی مثال ہے کہ جب کسی مقصد کے لیے عوام ساتھ کھڑے ہوں تو........

© Daily Urdu (Blogs)