Ermənilərin tarixi necə saxtalaşdırdıqlarını ilk dəfə 44 il öncə Gəncədə, bizə tarixdən dərs deyən Elfak müəllimdən eşitmişəm. O zaman o, 30 yaşlarda cavan elmlər namizədi idi, indi sağ-salamatdırsa, 70 yaşda olar.

Elfak müəllim bizə dedi ki, siz cavansız, bilmirsiz, tarix vacib elmdir, hər millət öz tarixinə dayanaraq irəli gedir. Müəllim sözü çox uzatmadan mətləb üstünə gəldi, dedi ki, ermənilər dağda-dərədə torpağı eşələyib xaçkarlar, erməni izləri tapırlar, özlərinə saxta tarix düzəldir, “qədim xalq” olduqlarını isbat etməyə çalışırlar, amma biz tarixçilər yaxşı bilirik o, daşları ora özləri son illərdə basdırıblar.

O, bu sözləri bizə deyəndə SSRİ dövrüydü, Brejnev hələ ölməmişdi. Xalq arasında o dövrə “dünyanın düz vaxtı” demək adəti var, amma elə də deyildi, auditoriyada partaların üstündə “Əlimizdə çörək tikə, belimizi bükə-bükə, bir-birimizi sökə-sökə, kommunizmə gedirik biz” kimi satirik məzmunlar olurdu.

Amma bu heç. Söhbət ermənilərin “qədim xalq” olmaq yolunda qatlaşdıqları əzab-əziyyətdəm, kütləvi şəkildə yoluxduqları mərəzdən gedir.

O vaxt da qəribə gəlirdi, elə indi də qəribə gəlir ki, onlar bunu niyə edirlər, nəyə nail olmaq istəyirlər. Lap tutalım, orda-burda üstündə ermənilərin........

© Müsavat