Alt Stadtrat Andreas Bossard über ein Missgeschick seiner Mutter.

Früener händ d Huusfraue no jede Tag poschtet. S Milly, mini Muetter, hed daas au gmacht. S Poschte im chlyne Migros a de Graabestrooss isch für vili Fraue au es zozials Träffe gsy. Mängisch sind die Fraue dunne a de Nüügass bim «Zeno Keiser» no go es Käfeli trinke. Daas isch aber nid jede Taag mögli gsy. Wo s Kafi vo 1,40 uf 1,50 uufgschlaage hed, hed daas i de Stadt es Greed ggää. E Batze isch halt duezmool no öppis gsy.

Me isch au wägem Gäld jede Taag go chroome. Me hed käis Gäld ghaa, as me hed chönne Grossychäuf mache. Vili Fraue händ müesse s Huushaltigsgäld süüferli ytäile. Und me hed nume daas poschtet wo uf em Poschtizäddel uufgschribe gsy isch.........

© Luzerner Zeitung