ایران عمان تازہ اتفاق اور عالمی اثرات

​عالمی سیاست اور جغرافیائی اہمیت کے حامل خطے مشرق وسطیٰ میں ایک بار پھر سفارت کاری کی ہلچل نے کھڑکیوں کے پردے سرکا دیے ہیں۔ دنیا کی توانائی کی شہ رگ کہلانے والی آبنائے ہرمز کے معاملے پر تہران اور مسقط کے درمیان طے پانے والا تازہ اتفاق صرف دومُلکی امور تک محدود نہیں بلکہ یہ عالمی معیشت، بحری تجارت اور خطے کے بدلتے ہوئے سکیورٹی ڈھانچے پر گہرے اور دور رس اثرات مرتب کرنے کی صلاحیت رکھتا ہے۔

​آبنائے ہرمز وہ نازک آبی گزرگاہ ہے جہاں سے دنیا بھر کی تیل کی کل رسد کا ایک بڑا حصہ گزرتا ہے۔ حالیہ کشیدہ حالات اور بحری سکیورٹی کے خدشات کے پیش نظر یہ رستہ طویل عرصے سے عالمی طاقتوں کے مابین کھینچاتانی کا مرکز بنا رہا ہے۔ ایسے میں ایران اور عمان کے مابین بحری آمدورفت اور اسٹریٹجک روٹس کے حوالے سے طے پانے والا نیا فہم ایک اہم سفارتی موڑ ہے۔

​حال ہی میں دونوں ممالک کے حکام کی جانب سے یہ خوش آئند خبر سامنے آئی ہے کہ آبنائے ہرمز سے تجارتی جہازوں اور آئل ٹینکرز کی محفوظ آمدورفت کے لیے جغرافیائی حدود پر اتفاقِ رائے ہو چکا ہے۔ طے........

© Daily Urdu