اب بات کرتے ہیں ڈونلڈ ٹرمپ کی ٹیرف وار کی جس کے بارے میں امریکی صدر کا کہنا ہے امریکہ کے بڑے تجارتی پارٹنر امریکہ سے بہت زیادہ تجارتی فوائد سمیٹ رہے ہیں، جبکہ امریکہ کے حصے میں تجارتی خسارہ اور بڑھتی ہوئی بیروزگاری آ رہی ہے۔ ٹرمپ کا خیال ہے کہ اس خسارے سے نکلنے کا طریقہ یہ ہے کہ دوسرے ممالک کی درآمدات پر محصولات عائد کر دیئے جائیں۔ ٹرمپ کو یقین ہے کہ اس طرح امریکہ اقتصادی لحاظ سے مزید مستحکم ہو جائے گا اور اس طرح گریٹر امریکہ بنانے کا خواب پورا ہو جائے گا۔ ٹرمپ شاید یہ نہیں جانتے کہ دنیا کی واحد سپر پاور ہونے کے جہاں بہت مزے ہیں وہاں اس حیثیت کی ایک قیمت بھی ادا کرنا پڑتی ہے۔ بڑا ہونے کے جہاں کچھ فائدے ہیں وہاں نقصانات بھی بہت ہیں۔ ٹرمپ فائدوں کے لئے تو تیار ہیں نقصانات کے لئے ہرگز تیار نظر نہیں آتے۔ ہم نے گزشتہ دو کالموں میں یہ اندازہ لگایا اور نتیجہ اُخذ کیا کہ مشرق وسطیٰ، لاطینی امریکہ، روس یوکرین جنگ، کینیڈا، میکسیکو، یورپی یونین، نیٹو اور گرین لینڈ کے بارے میں ڈونلڈ ٹرمپ نے جو پالیسیاں بنائی ہیں اور اب جن پر عمل کر رہے ہیں، اس سے گریٹر اسرائیل کے قیام میں تو مدد مل سکتی ہے، لیکن ان نئی پالیسیوں کی بنیاد پر گریٹر امریکہ کا خواب پورا نہیں ہو سکتا۔ اب آئیے تجزیہ کرتے ہیں کہ ٹرمپ کی ٹیرف وار کیا نتائج لا سکتی ہے۔

اپنی تجارتی طاقت اور معاشی حیثیت کے مطابق ٹیرف کے نفاذ کا نشانہ بننے والے ممالک اپنے اپنے انداز میں رد عمل کا اظہار کر رہے ہیں، لیکن........

© Daily Pakistan (Urdu)