KRONIKK: Vestlege leiarar svermar om Indias autoritære statsminister. Jamvel Kinas diktator får besøk. Ingen snakkar høgt om trusfridom og andre menneskerettar.

Johannes MorkenRedaktør, Stefanusalliansen

Det kvite huset kunngjorde 6. februar at president Donald Trump og den indiske statsministeren Narendra Modi var samde om prinsipp for ein omfattande handelsavtale. Det var taust om menneskerettar, også i faktaarket om ein «historisk avtale».

Som ein mørk ironi: Same dag kom Den amerikanske kommisjonen for internasjonal trusfridom (USCIRF) med endå ei alarmerande melding om eskalerande hindunasjonalistisk vald mot minoritetar i India. I januar var det fleire «grufulle angrep mot kristne», fastslo USCIRF. Ein pastor var blitt banka opp. Hindu-mobben, som utan prov skulda han for konvertering med tvang, drog pastoren ut av kyrkja under ei gudsteneste og tvang han til å eta kumøkk.

Systematisk forfølging

I november fastslo kommisjonen at det politiske systemet i Modis hindunasjonalistiske India legg til rette for systematisk forfølging av minoritetar – muslimar og kristne. Kommisjonen som er oppnemnt av både demokratar og republikanarar, har bede Trump plassera India på «verstinglista» over land som bryt trusfridommen. I staden inngår Trump ein handelsavtale fri for alt snakk om fridom for forfølgde kristne og........

© Aftenbladet