Alt-Stadtrat Andreas Bossard über Fronleichnam.

Fronleichnamsprozession auf dem Postplatz ca. 1959.

Am Ändi vo de 1950-er Joor isch d Fronlychnam au s Zug es rysigs Fäscht gsy. Jung und Alt händ sich scho es Zytli vorhäär uf dee bsunders Taag gfröit. D Vorberäitige für de Herrgottstaag händ schö früe aagfange. De ganz Wääg vo de Prozässion händ d Manne vom Buuamt suuber putzt. Die wüeschte Egge hed me mit hellgrüene Buecheescht verdeckt. D Lüüt wo uf em Prozässionswääg gwont händ, händ uf irne Fäischtersims chlyni Altäärli puuet und d Huuswänd mit Blueme verziert. Ich wäis no guet wie d Schwöschtere vom Jünglingshäim vor em Ygang vo de früenerige «Pension zum Bahnhof» am Bode e Teppich vo Blueme anegläid händ. S Blau vo de Änziane hed glüüchtet. De Wääg vo de Prozässion isch vo de Ooslete uf de Kolinplatz abe ggange, de d Nüügass duraab uf de Poschtplatz und de wyter d Baanhofstroos bis füre zum Bundesplatz. De wyter a de proteschtantische Chile verby i d Vorstadt abe, de wider zum Poschtplatz und vo deet wider zu de Chile. Ich wäis nümme gnau wo me d Prozässion formiert hed. Ich glaubs uf em Poschtplatz. Alli Katholike mit Chind und Chegel sind doo deby gsy. Niemert isch mit vertschienggete Schue mitgloffe. Alli händ sich vo Chopf bis Fuess useputzt. D Hämmli, d Hose und au s Gilet sind süüferli glettet gsy. Bevor mer us em Huus ggange isch, hed me d Frisuur no äinisch grichtet. Für de Herrgott – oder........

© Aargauer Zeitung