Vahid Tağıyev,

Təcrübəli, peşəkar təhsil işçisi.

***

 2027-ci ildən müəllimlərin gündəlik 8 saatlıq iş rejiminə keçməsi nəzərdə tutulur. Bu model ideya baxımından cəlbedici və zəruridir. Dünyanın ən inkişaf etmiş ölkələrində də müəllimlərin iş saatına əsaslanan əməkhaqqı sistemi uğurla tətbiq olunur. Lakin bu model yalnız əməkhaqqının dəyişdirilməsi deyil, ümumi təhsil sisteminin məzmununda, təşkilində, idarəetməsində və pedaqoji mühitində əsaslı dönüş tələb edir. Təhsil sistemli bir proses olduğundan, yeniliklərə düşünülmüş, müzakirəli və elmi yanaşma mütləqdir.

Təhsildə izun illər ərzində toplanmış problemlər, pozulmuş ənənələr, məktəbin öz funksiyasından uzaqlaşması yeni modelin tətbiqini çətinləşdirən əsas amillərdəndir. Cəmiyyətdə bəzən aqressiv görünən müzakirələrin səbəbi də budur: insanlar çox vaxt ümumi mənafeyi deyil, şəxsi maraqları baxımından mövqe bildirirlər. Halbuki burada söhbət millətin gələcəyindən gedir və yanaşma birmənalı şəkildə məsuliyyətli olmalıdır.

Nəzərə almalıyıq ki, yeniliyə müqavimət təbii prosesdir.

Yeniliklərə qarşı müqavimətin: uzun illərin vərdişləri, şəxsi maraqlar, yeni sistemin effektiv olacağına inamsızlıq, mövcud şəraitin uyğun olmaması kimi səbəbləri var.

Lakin bütün bu çətinliklərə baxmayaraq, məqsəd doğru olduqda gedişatda yaranan maneələri aradan qaldırmaq mümkündür.

Məsələyə pozitiv tərəfdən yanaşmağa çalışaraq düşünürəm ki, diaqnostik qiymətləndirmə, sertifikatlaşdırma, işə qəbulun yeni qaydaları və s. məsələlərdən sonra müəllimlərin öz ixtisasları üzrə akademik biliyi kifayət qədər yüksəlmişdir.

Ancaq müəllimin mükəmməl ixtisas biliyi ilə yanaşı, lazımi pedaqoji bacarıqlara malik olması, o cümlədən müxtəlif yaş və anlama səviyyəsində olan şagirdləri öyrətmək üçün tədris prosesini düzgün idarə etməsi,
təlimin öyrədici, inkişafetdirici və tərbiyəedici məqsədlərinə nail olması əsas şərtlərdəndir. Təcrübə göstərir ki, tədris prosesində arzu edilən uğurlar yalnız o zaman əldə edilə bilir ki, təhsil işçiləri kifayət qədər yüksək olan akademik biliklərini bacarıqla nəticəyönümlü fəaliyyətə çevirə bilsin.

Əgər yeni modelin tətbiqi ilə müəllimlərin davamlı peşəkar inkişafını təmin etmək, metodiki, pedaqoji bacarığı, səriştəliliyi, gündəlik hazırlığı artırmaq, təcrübə mübadilələri üçün şərait yaratmaq, intizamı yüksəltmək və nəticə etibarilə təhsildə əsaslı keyfiyyətə nail........

© Mia.az