استنبول میں پاکستان افغانستان کے ناکام مذاکرات کے اختتام اور بحالی کے بعد مذاکرات کے اگلے مگر پرامید دور کا انتظار ہے، تاہم ایسا لگتا ہے کہ درون خانہ کم از کم دونوں ملکوں کے درمیان اس حد تک اتفاق رائے کی کوئی حوصلہ افزاء صورت نکل آئی ہے، جس پر پیشرفت کی امید ہے۔ بہرحال یہ تو جب مذاکرات کار میز پر اکٹھے ہوں گے، اس وقت ہی بات سامنے آئے گی، البتہ اس کے پیشگی اثرات کااگر جائزہ لیا جائے تو برف پگھلنے لگی ہے اور یہ اس کا نتیجہ ہے کہ دونوں ملکوں کے درمیان سرحد کھلنے کی تیاریاں نظر آرہی ہیں۔
ابتدائی طور پر سرحد پر نصف ماہ سے پھنسے افغانستان واپسی کے منتظر افغان باشندوں کی واپسی کا آغاز ہو گیا ہے، پاکستان کے نقطہ نظر سے افغان باشندوں کی واپسی کا سلسلہ شروع ہونا اہم ہے، جب تک مذاکرات کا حتمی دور نہیں آتا اور اعتماد کی فضا میں معاہدے پر دستخط اور یقین دہانی حاصل نہیں ہوتی، افغان باشندوں کی تیزی سے وطن واپسی اچھا فیصلہ ہے، یہ سرحدی حکام کے لئے ہی سہولت کاری کا باعث نہیں بلکہ واپس جانے کے خواہشمندوں کی بڑی تعداد کی بھی آسانی سے واپسی کے لئے بھی ضروری ہے،........

© Mashriq