ഭൂമിയിലുള്ള ജീവികള്‍ക്ക്‌ സമയപാലകന്‍ സൂര്യനായിരുന്നു. ഒരു നിമിഷം ആകാശത്തേക്കു നോക്കും. സൂര്യന്റെ തീവ്രത അനുസരിച്ചു സമയം ഗണിച്ചെടുക്കും, അത്രമാത്രം. ശാസ്‌ത്രം പുരോഗമിച്ചപ്പോള്‍ മനുഷ്യര്‍ സമയത്തെ വിഭജിച്ചു. വര്‍ഷം, മാസം, ദിവസം, മണിക്കൂര്‍, സെക്കന്‍ഡ്‌... എന്നിങ്ങനെ. ആ വിഭജനത്തില്‍ തല്‍ക്കാലം തൃപരായി. പക്ഷേ, ലോകം ചുറ്റുന്നവര്‍ക്ക്‌ ആവശ്യങ്ങള്‍ കൂടിവന്നു. സമയ മേഖലകള്‍ രൂപപ്പെട്ടത്‌ അങ്ങനെ. നാം റെയില്‍വേ സമയം എന്നുവിളിക്കുന്ന സംവിധാനവും യാത്രക്കാര്‍ക്കായി ഒരുങ്ങി.
പക്ഷേ, അതും പൂര്‍ണമായി തൃപിപ്പെടുത്തിയെന്നു പറയാനാകില്ല. സമയം സംബന്ധിച്ചു നിരവധി ചോദ്യങ്ങളുണ്ടായി. ആ ചോദ്യങ്ങള്‍ കഴിഞ്ഞ പതിറ്റാണ്ടുകളില്‍ എത്തിയത്‌ സീസിയത്തിലാണ്‌. വെള്ളി, സ്വര്‍ണ നിറങ്ങള്‍ കലര്‍ന്ന ലോഹം, ആറ്റോമിക നമ്പര്‍ 55. ഭൂമിയിലെ താപനിലയില്‍ നേരിയ വ്യത്യാസമുണ്ടായാല്‍ പോലും ദ്രാവകമായി മാറുന്ന ആ മൂലകമാണ്‌ 'സമയപാലകനായി' മാറിയത്‌. നിമിഷ കണക്കുകൂട്ടലുകളില്‍ അഞ്ചു വര്‍ഷംകൂടിയേ സീസിയത്തിനു മുന്നിലുള്ളൂ. 2030 സീസിയം വഴിമാറിയേക്കും. സ്‌ട്രോണ്‍ഷ്യം, ഇറ്റര്‍ബിയം, തോറിയം എന്നിവയിലൊന്നാകാം പകരം വരിക.

This is a modal window.

Beginning of dialog window. Escape will cancel and close the window.

End of dialog window.

യാത്രയുടെ വേഗം കൂടുംതോറും സമയനിര്‍ണയത്തിനു കൃത്യത കൂടുതല്‍വേണം. റോക്കറ്റുകളുടെ കാലത്ത്‌ പ്രത്യേകിച്ചും. നാസയുടെ പാര്‍ക്കര്‍ സോളാര്‍ പ്രോബിന്റെ വേഗത സെക്കന്‍ഡില്‍ 192.22 കിലോമീറ്ററാണ്‌. ആ യാത്ര കൃത്യമായി കണക്കുകൂട്ടിയെടുക്കണമെങ്കില്‍ സെക്കന്‍ഡുകളേക്കാള്‍ ചെറുതായ ഒരു അളവ്‌ വേണം. ആധുനിക ലോകത്ത്‌, ഡേറ്റ വയാറുകളിലൂടെയോ വായുവിലൂടെയോ പ്രകാശത്തിന്റെ വേഗതയില്‍ സഞ്ചരിക്കുമ്പോള്‍ കൃത്യത അതിപ്രധാനമായി.(സെക്കന്‍ഡില്‍ 29,97,92,458 മീറ്ററാണു പ്രകാശ വേഗത). സെക്കന്‍ഡിന്റെ 10 കോടിയില്‍ ഒരംശം പോലും പ്രധാനം!.
ഭൂമിയിലെ ഒരു ദിവസത്തെ വിഭജിച്ച്‌ ഏറ്റവും ചെറിയ അളവായി സെക്കന്‍ഡിനെ നിജപ്പെടുത്താനായിരുന്നു ഒരു നീക്കം. അങ്ങനെ വരുമ്പോള്‍ ഒരു ദിവസം എന്നാല്‍ 24 60 60 = 86400 സെക്കന്‍ഡ്‌. ദിവസത്തിന്റെ 86400 ല്‍ ഒരു അംശമായി സെക്കന്‍ഡിനെ പരിഗണിച്ചാലോ?........

© Mangalam