Pois si. O futuro desembarco masivo das hostes de Trump na cerna do poder USA desacouga. Especialmente por facelo despois dunha vitoria masiva, que o pon no nivel de poder absoluto, e vir acompañado dunhas declaracións logo dos resultados que, especialmente para a avellentada Europa, non son nada tranquilizadoras. Que a influencia máxima sobre o presidente sexa o titiriteiro Elon Musk, o home máis rico do mundo e dono de Twitter, non contribúe á calma nin parece agoirar nada bo.

Pero coma todo, se cadra pode chegar a ter as súas partes positivas, sempre que aprendamos leccións e non empecemos por cuestionar a validez esencial da democracia nin a saúde mental dos norteamericanos. Se cadra, a esquerda USA -sempre que lle poidamos chamar así ao Partido Demócrata- inicie unha reflexión sobre o discurso woke mantido e o seu afastamento progresivo das preocupacións e........

© La Región