Dette er et debattinnlegg, skrevet av en ekstern bidragsyter. Innlegget gir uttrykk for skribentens holdninger.

For tjue år sidan flytta Sjøfartsdirektoratet til Haugesund. Bak etableringa låg politisk pågangsmot, faglege argument og menneske som heldt fast ved målet. Det gav regionen viktige kompetansearbeidsplassar og vart opptakten til eit rekrutteringssamarbeid vi framleis haustar fruktene av. 

I dag er direktoratet ved Smedasundet ein naturleg del av den maritime regionen vår. Slik var det ikkje då ideen om flytting vart reist. 

Nokon måtte sjå moglegheita, kjempe for den og følgje opp då avgjerda var tatt. Den historia har Haugalandet grunn til å vere stolt av. Ho fortel også noko om korleis vi kan skape nye moglegheiter.

Ein idé får gjennomslag

Allereie i mai 2001 fremja stortingsrepresentant Inger Stolt-Nielsen forslag om å flytte Sjøfartsdirektoratet frå Oslo til Haugesund. Forslaget fall bort ved stortingsvalet same året, men ideen var sett på den nasjonale dagsordenen. 

I januar 2003 la Bondevik II-regjeringa fram meldinga om statlege tilsyn. Arbeids- og administrasjonsminister Victor Norman stod sentralt i arbeidet. Den 6. juni vedtok Stortinget flyttinga til Haugesund.

Grunngjevinga fortener å bli hugsa. 

Haugesund og Haugalandet/Sunnhordland hadde eit av dei tyngste maritime og tekniske fagmiljøa i landet. Reiarlag, verft, leverandørar og utdanningsmiljø gav eit solid fundament for plasseringa. Regionen hadde noko Noreg trong. Det er eit viktig poeng også i........

© Haugesunds Avis