Joan den astean bururatu zitzaidan Interneten bilatzea zergatik den San Valentin maiteminduen patroia. Ez nuen historia bakarra aurkitu, santu omen diren pertsona desberdinak aipatzen ziren, ... mende eta garai desberdinak. Berdin zaio, ez zigun horrek otsailaren 14aren gozoki betekada arindu.

Erantzuna bilatzen hasi aurretik, bi emakumeren arteko elkarrizketa aditu nuen, goiz erdian kafe bat hartzen ari nintzela. Nonbait, senarrak San Valentin egunaz jabetuko ez zirenen beldur ziren biak. Kosta egin zitzaidan beldurra ulertzea, ezinezko baita mundu honetan data hori ahaztea, ikus-entzuneko nahiz bestelako hedabideetan asteak baitaramatzate data horrekin bueltaka.

Bada emakume horiek estrategia desberdinak zituzten beldurraren aurrean: batak abisatu omen zion senarrari, zeharka. Besteak ez zuen horrelakorik egin nahi, maitasun froga gisa hartu nahi zuen eguna: oparirik ez bazegoen, seinale txarra, esan zuen eta zehaztu gabeko zigorra aipatu zuen. Bientzat senarra zen emazteari oparia egin behar ziona, bikotearen alde bakarrari zegokion betebeharra.

Halako batean pentsatu nuen aditzen ari nintzen elkarrizketaren emakumeen ahots hutsa ezagutzen nuela eta disimuluz zuzendu nuen begirada atzean nituen emakumeengana. Ez ziren gazteak, helduak baizik, gazte itxura antzezten bazuten ere. Pentsatu nuen ez zutela maitemina eta maitasuna bereizten.

Ez dira bakarrak. San Valentin egunaren inguruan ikusi eta irakurri ditudan erreportajeetan behin baino gehiagotan entzun ditut adin guztietako pertsonak «inoiz baino maiteminduago nago», «lehen egunean bezain maitemindua» eta antzeko esaldiak. Maitemina eta maitasuna, ordea, ez dira gauza bera. Ezagutzen ditut maitasunean bizi diren bikoteak, sekula maitemindu ez direnak. Baita ere maitemina apaltzen denean maitasuna eraikitzen jakin edo nahi izan ez dutenak.

Eta ezagutzen ditut maitemina ahultzen denean bikotea hausten dutenak, hori nahi dutelako beraien bizitzan, maiteminaren emozio txinpartatsua, ur-jauzia, ez ibai barea. Bejondeiela. Zuzena litzateke esatea «gero eta gehiago maite dut nire bikotea», ez ordea «gero eta maiteminduago nago».

Baina ñabardura hauek ez dute lekurik San Valentin egunean. Egun horretan gozoaren gozoz edonor gaixotzeko moduko sentikizunak dira nagusi, beti ere opari bat eskainiz. Amaren egunean bezalaxe, baina amaren eguna haurrek ospatzen dute eta maiteminduen eguna, helduek.

Límite de sesiones alcanzadas

El acceso al contenido Premium está abierto por cortesía del establecimiento donde te encuentras, pero ahora mismo hay demasiados usuarios conectados a las vez.

Por favor, inténtalo pasados unos minutos.

Al iniciar sesión desde un dispositivo distinto, por seguridad, se cerró la última sesión en este.

Para continuar disfrutando de su suscripción digital, inicie sesión en este dispositivo.

¿Tienes una suscripción? Inicia sesión

© El Diario Vasco