Bideko argazkia
Lagunei bidegorrian ateratako argazkia bidali diet wp-ez. Bart gaueko haizeteak eta hego haize beroak dantzan jarri eta lurra musukatzera derrigortu dituen orbelez jositako mantu hori-marroxkari lapurtutakoa. Ez da biderik ikusten. Eguneroko paisaia eraldatuta dakar irudiak. Ohikoa dena arrotz.
Lagunetako baten iruzkina argazkiari: «Izan gaitezen hosto eta ez orbel». Bigarrenarena: «Dena dihoakigu ihes betean». Eta hirugarrenarena: «Dena zarata, dena zabor».
Orbelak zabor? Orbelak zarata? Zarata izendatzeko eskatu diet eta, berehala, minutu gutxiren buruan, zerrenda luzea eratu........
