گھر اور دفتر میں فرق ایسا ہی ہے جیسے پانی اور کیروسین میں ہوتا ہے اور بظاہر بھی اتنا ہی معلوم ہوتا ہے حالانکہ گھر اور دفتر کی وجودیات میں دن اور رات کا فرق ہے۔ اگر گھر اور کنبہ ٹوٹ جائے تو دینی معاشرت کے قیام کا خواب بھی نہیں دیکھا جا سکتا۔ اصلاً، دینی معاشرت گھر کی توسیع ہے جبکہ جدید معاشرہ دفتر کی ترجیحات پر قائم ہوتا ہے۔ جدیدیت کے خلاف دفاع کا پہلا مورچہ یہ ہے کہ گھر کو دفتر کی شرائط پر نہ چلایا جائے اور گھر اور کنبے کی تشکیل میں مکارم الاخلاق اور اسوۂ رسول ﷺ کی پیروی کی جائے۔

مسلم گھرانہ اور کنبہ مکارم اور اسوہ کی اعلیٰ ترین واقعاتی تشکیل ہے جبکہ دفتر سرمائے اور طاقت کا مکمل ترین اظہار ہے۔ دینی معاشرت کا خاتمہ اس وقت شروع ہو جاتا ہے جب دفتر گھر میں نقب لگا لے اور آہستہ آہستہ اس پر قابض ہو جائے۔ گھر کے زمان و مکاں دفتر سے مختلف ہوتے ہیں اور دفتر نے انسانی گھر پر قبضہ اولاً........

© Daily Urdu