سیسی سیمینار: بااختیار عورت اور محنت کش خواتین کے حقوق

عصرِ حاضر میں خواتین کا کردار محض گھریلو ذمہ داریوں تک محدود نہیں رہا بلکہ وہ معاشرے کی فکری، سماجی اور معاشی تعمیر میں ایک فعال اور فیصلہ کن قوت کے طور پر ابھر چکی ہیں۔ جدید دنیا میں ترقی کے پیمانے صرف معاشی نمو یا صنعتی پیش رفت تک محدود نہیں بلکہ اس امر سے بھی جڑے ہوئے ہیں کہ کسی معاشرے میں خواتین کو کس حد تک مساوی مواقع، محفوظ ماحول اور باعزت مقام فراہم کیا جاتا ہے۔ پاکستان جیسے معاشروں میں جہاں روایتی سماجی ڈھانچے اب بھی مضبوط ہیں، وہاں خواتین کی پیشہ ورانہ جدوجہد ایک اہم سماجی حقیقت کے طور پر سامنے آ رہی ہے۔ اسی تناظر میں خواتین کے عالمی دن کے موقع پر منعقد ہونے والی تقاریب محض رسمی اجتماعات نہیں بلکہ ان مسائل، چیلنجز اور امکانات پر غور و فکر کا موقع فراہم کرتی ہیں جو خواتین بالخصوص محنت کش طبقے کی خواتین کو درپیش ہیں۔

اسی سلسلے میں ولیکا اسپتال سائٹ میں خواتین کے عالمی دن کی مناسبت سے ایک بامقصد سیمینار منعقد کیا گیا جس کا موضوع "بااختیار عورت اور محنت کش خواتین کے حقوق" تھا۔ یہ پروگرام سندھ ایمپلائز سوشل سیکیورٹی انسٹی ٹیوشن کے شعبہ تعلقات عامہ کے زیرِ اہتمام منعقد ہوا جس میں خواتین کے حقوق، ان کی پیشہ ورانہ مشکلات اور ادارہ جاتی اصلاحات کے حوالے سے سنجیدہ گفتگو کی گئی۔

سیمینار سے خطاب کرتے ہوئے مقررین نے نہایت مدلل اور فکرانگیز انداز میں خواتین کے کردار اور ان کے حقوق پر روشنی ڈالی۔ انہوں نے محنت کش خواتین کی خدمات کو خراجِ تحسین پیش کرتے ہوئے کہا کہ پاکستانی خواتین معاشرے کی فکری، اخلاقی اور سماجی تشکیل میں نہایت اہم اور قابلِ قدر کردار ادا کر رہی ہیں۔ مقررین نے اس بات پر زور دیا کہ خواتین کو باعزت اور محفوظ ماحول فراہم کرنا ہم سب کی مشترکہ ذمہ داری ہے۔

اس موقع پر سندھ ایمپلائز سوشل........

© Daily Urdu