"سپر سوبرز"، وہ شخص جو سب کچھ کر سکتا تھا (4)

ریکس سیلرز: سابق آسٹریلوی لیگ اسپنر

نومبر 1963ء میں میری جنوبی آسٹریلیا کی ٹیم میں واپسی ہوئی۔ وکٹوریہ کے خلاف میچ تھا۔ میں نے چند ابتدائی وکٹیں لے لی تھیں کہ کولن گیسٹ بیٹنگ کے لیے آیا۔

میں گیند بازی کے لیے پلٹا ہی تھا کہ اچانک گیری سوبرز نے دور سے ہاتھ بلند کیا۔ اس نے اشارہ کیا کہ وہ اپنی موجودہ جگہ سے تقریباً ایک میٹر اور قریب آنا چاہتا ہے۔ وہ بلے باز کی حرکات بڑی دیر سے دیکھ رہا تھا۔ اس نے محسوس کر لیا تھا کہ کولن گیسٹ لیگ سائیڈ کی طرف ایک مخصوص انداز سے جھٹکا دیتا ہے اور گیند اکثر بلے کے قریب سے گزرتی ہے۔

میں نے اس کے اشارے کے مطابق گیند پھینکی۔ گیسٹ نے وہی شاٹ کھیلنے کی کوشش کی اور سوبرز نے تقریباً بلے سے نکلتی ہوئی گیند کو تھام لیا۔

یہ کوئی اتفاق نہیں تھا۔ یہ ایک ایسے دماغ کی کارستانی تھی جو ہر لمحہ کھیل کو پڑھ رہا تھا۔

اسی سیزن میں ہم کوئنز لینڈ کے خلاف گابا میں کھیل رہے تھے۔ ان کے کپتان کین میکے بائیں ہاتھ کے بلے باز تھے۔ میں مسلسل وکٹ سے ذرا باہر آ کر آف اسٹمپ کے باہر گیند کر رہا تھا تاکہ زاویہ پیدا ہو۔ لیکن میکے بڑی آسانی سے کھیل رہا تھا۔ جو گیند اسٹمپ سے باہر جاتی، اسے چھوڑ دیتا اور جو اندر آتی، اسے اعتماد سے ڈرائیو کر دیتا۔

اوور ختم ہوا تو سوبرز میرے پاس آیا۔ اس نے کہا: "ذرا وکٹ کے قریب سے گیند کرو۔ آف اسٹمپ کے اندر سے ایسی لائن........

© Daily Urdu