مصنوعی ذہانت نے سیاحت کو کیسے بدل دیا؟

ایک زمانہ تھا جب کسی نئے شہر یا ملک کی سیر کا منصوبہ بنانا خود ایک الگ مہم ہوا کرتا تھا۔ لوگ نقشے دیکھتے، مختلف ویب سائٹس کھنگالتے، دوستوں سے مشورے لیتے اور پھر کئی گھنٹوں کی محنت کے بعد سفر کا پروگرام طے پاتا تھا لیکن آج یہ منظر تیزی سے بدل رہا ہے۔ اب صرف چند لمحوں میں مصنوعی ذہانت نہ صرف یہ بتا دیتی ہے کہ کہاں جانا ہے بلکہ یہ بھی تجویز کرتی ہے کہ کون سا راستہ بہتر ہوگا، کہاں قیام کرنا چاہیے، کون سی مقامی ڈش ضرور چکھنی چاہیے اور کس وقت کس مقام کا حسن اپنے عروج پر ہوتا ہے۔ چین میں سیاحت کی دنیا اسی خاموش مگر بڑی تبدیلی سے گزر رہی ہے۔

چین میں مصنوعی ذہانت اب صرف صنعتوں، تحقیق یا کاروبار تک محدود نہیں رہی بلکہ اس نے سیاحت کے شعبے میں بھی ایک نئی جان ڈال دی ہے۔ ہوٹل، سیاحتی کمپنیاں، تفریحی مقامات اور مقامی انتظامیہ سب اس ٹیکنالوجی سے فائدہ اٹھا رہے ہیں تاکہ سیاحوں کو پہلے سے بہتر اور زیادہ آسان سہولیات فراہم کی جا سکیں۔ اس کا مقصد........

© Daily Urdu (Blogs)