بچپن کا زمانہ تھا جب ہم نے علامہ محمد اقبال کا نام اپنے نصاب کی کتابوں میں پڑھا جس میں بچوں کی مشہور اور آسان نظمیں شامل تھیں اپنے سکول کی اسمبلی میں قومی ترانے کے علاوہ جو نظم ہمیں ازبر تھی وہ آج بھی گانے کو جی چاہتا ہے اور شاید ہماری ہم عمر تمام دوستوں کو یاد ہو۔

لب پہ آتی ہے دعا بن کے تمنا میری

زندگی شمع کی صورت ہو خدایا میری

ہومیرے دم سے یونہی میرے وطن کی زینت

جس طرح پھول سے ہوتی ہے چمن کی زینت

یہ ایسی خوبصورت نظم تھی جو ہم جیسے شرارتی بچوں کو اچھے اخلاق کا درس دیتی تھی اس کے علاوہ علامہ کی بہت سی بہترین نظمیں جو خاص طور پر انہوں نے بچوں کے لئے اُردو میں عام فہم زبان میں لکھیں جن میں پرندے کی فریاد، ایک پہاڑ ترانہ ہندی، ماں کا خواب، پہاڑ اور گلہری، ایک مکڑا اور مکھی، بچے کی دعا وغیرہ شامل ہیں۔ ان میں زیادہ تر نظمیں تو ہم اپنے سکول کے ہر جمعہ کو ہونے والے ”بزم ادب“ کے پیریڈ میں باآوازِ بلند پڑھا کرتے تھے اور تقریباً سب از بر ہو چکی تھیں بچے کی دعاکو ہم سب کو بہت پسند تھی جس کا مطلع ہے:

یا رب دل مسلم کو وہ زندہ تمنا دے

جو قلب کو گرما دے جو رُوح کو تڑپا دے

ہم میں سے بہت سے لوگ یہ سمجھتے ہوں گے کہ شاید ہم ہی اپنے بچپن کے زمانے سے علامہ اقبال کے گرویدہ تھے ان کے کلام اور ان کی سوچ سے آشنا تھے جو ہمارے محترم اساتذہ ہمیں........

© Daily Pakistan (Urdu)