50 milyonluq qardaş xalqın tarixi yüksəlişi

Azərbaycan Prezidenti İlham Əliyevin Özbəkistan Respublikasına növbəti dövlət səfəri iki qardaş ölkə arasında münasibətlərin son illərdə yeni inkişaf mərhələsinə qədəm qoyduğunu, qarşılıqlı etimad və strateji tərəfdaşlıq əsasında ardıcıl şəkildə möhkəmləndiyini bir daha təsdiqlədi. Söhbət artıq yalnız ənənəvi əlaqələr və əməkdaşlıqdan yox, siyasi iradə, iqtisadi maraqlar, tarixi-mədəni yaxınlıq və ortaq geosiyasi baxışlarla möhkəmlənən strateji müttəfiqlikdən əbədi dostluq münasibətlərinə keçiddən gedir. 

Dövlət səfəri çərçivəsində Azərbaycan və Özbəkistan Prezidentlərinin mühüm istiqamətləri əhatə edən əbədi dostluq münasibətləri haqqında müqavilənin imzalaması iki ölkə arasında münasibətlərin mahiyyətini daha aydın şəkildə ortaya qoyan mühüm siyasi hadisədir. İlk dəfə olaraq Özbəkistanla imzalanan bu sənəd əsrlər boyu xalqlarımızın tarixi yaddaşında, ortaq mədəniyyətində və mənəvi dəyərlərində formalaşmış qardaşlıq münasibətlərinin siyasi müstəvidə daha yüksək səviyyədə təsbitini ifadə edir. Başqa sözlə, tarixən mövcud olan Azərbaycan-Özbəkistan dostluğu artıq dövlətlərarası münasibətlərin hüquqi-siyasi bazasında yeni məzmun qazanır.  

Bəllidir ki, Azərbaycan və Özbəkistanı birləşdirən bağlar coğrafi sərhədlərdən daha geniş məna daşıyır. İki ölkə arasında münasibətlərin strateji müttəfiqlik və əbədi dostluq səviyyəsinə yüksəlməsinə yalnız ikitərəfli əlaqələrin inkişafı baxımından yanaşmaq doğru olmaz. Bu, bütövlükdə regional, eyni zamanda Türk dünyasının siyasi, iqtisadi və geosiyasi əməkdaşlıq imkanlarının genişlənməsi baxımından da əhəmiyyətli prosesdir. 

Bu əməkdaşlığın yaratdığı potensialı şərtləndirən mühüm amillərdən biri də iki ölkənin böyük insan və iqtisadi resurslara malik olmasıdır. 50 milyona yaxın insanı əhatə edən Azərbaycan–Özbəkistan məkanı bu baxımdan xüsusi əhəmiyyət daşıyır. Burada söhbət yalnız demoqrafik göstəricidən getmir. Bu rəqəm, eyni zamanda, iki ölkənin geniş insan kapitalını, əmək resurslarını, istehlak bazarını, təhsil və innovasiya imkanlarını, habelə qarşılıqlı iqtisadi əməkdaşlıq üçün mövcud potensialı ifadə edir. Eyni kökdən gələn 50 milyona yaxın insanın ortaq tarixi-mədəni dəyərləri və iki dövlətin artan iqtisadi potensialı münasibətlərin gələcək inkişafı üçün mühüm resurs formalaşdırır. 

Bununla belə,........

© Modern.az