امریکی صدر ڈونلڈ ٹرمپ نے دوسری مرتبہ وائٹ ہاوس کا مکین بننے کے بعد اپنی جارحانہ پالیسیوں کی بھر مار کر دی جس سے اس کے اپنے اتحاد اس سے متنفر ہونے لگے، ڈنمارک، برطانیہ اور دیگر امریکی اتحادی چین کے قریب ہو رہے ہیں، یہ باقاعدہ ایک پلاننگ کے تحت ہو رہا ہے یا پھر ٹرمپ تجارتی پالیسیاں اپنی مرض سے دیگر ممالک کے ساتھ اپنے اتحادیوں پر بھی بزور مسلط کر رہے ہیں جو بھی ہو لیکن اس کا نقصان امریکہ کو پہنچ رہا ہے۔
ٹرمپ کی جارحانہ اور غیر متوقع تجارتی پالیسیوں نے نہ صرف عالمی منڈی میں بے چینی پیدا کی ہے بلکہ امریکہ کے قریبی تجارتی شراکت داروں کو بھی متبادل راستے تلاش کرنے پر مجبور کر دیا ہے، جس کی تازہ ترین مثال کینیڈا کا وہ فیصلہ ہے جس کے تحت اس نے چینی الیکٹرک گاڑیوں پر عائد بھاری درآمدی ٹیکس میں کمی کر دی، یہ کینڈا کی جانب سے ایک ایسا غیر متوقع قدم تھا جو واضح طور پر اس بات کی نشاندہی کرتا ہے کہ ٹرمپ کی پالیسیاں امریکی اتحادیوں کو چین کے قریب دھکیل رہی ہیں۔
جنوری میں وائٹ ہاؤس واپسی کے بعد صدر ٹرمپ نے آزاد تجارت کی سات دہائیوں پر محیط امریکی پالیسی کو یکسر بدل کے رکھ دیا، انہوں نے دنیا کے تقریباً تمام ممالک سے درآمدات پر دوہرے ہندسے کے ٹیرف عائد کیے، جبکہ سٹیل اور آٹو موبائل جیسے مخصوص شعبوں کو بھی خصوصی ٹیکسوں کا نشانہ بنایا، جس سے اس کے اتحادی آہستہ آہستہ کھسکنے لگے اور........

© Mashriq