രാജ്യാന്തര വ്യാപാരരംഗത്ത്‌ കഴിഞ്ഞ മാസത്തെ ഇന്ത്യയുടെ കണക്കുകള്‍ ഒറ്റനോട്ടത്തില്‍ വലിയ ആശങ്ക നല്‍കുന്നതാണ്‌. കഴിഞ്ഞ വര്‍ഷത്തെ അപേക്ഷിച്ച്‌ വ്യാപാരക്കമ്മി ഏതാണ്ട്‌ ഇരട്ടിയായി, 1660 കോടി ഡോളര്‍, ആയി വര്‍ധിച്ചു. ഇറക്കുമതി 11.3% കുതിച്ചുയര്‍ന്നപ്പോള്‍ കയറ്റുമതിയുടെ വളര്‍ച്ച 0.8% ആയി ഒതുങ്ങി. എന്നാല്‍, ഈ പ്രതിമാസ കണക്കുകള്‍ മാത്രം കണ്ട്‌ നാം പരിഭ്രാന്തരാകേണ്ടതുണ്ടോ? സാമ്പത്തിക വര്‍ഷത്തിന്റെ ആദ്യ പകുതിയിലെ (2025 ഏപ്രില്‍-സെപ്‌റ്റംബര്‍ ) മൊത്തത്തിലുള്ള ചിത്രം പരിശോധിച്ചാല്‍, വ്യാപാരക്കമ്മി 2.3% ചുരുങ്ങി, കയറ്റുമതി രംഗത്തെ ഇന്ത്യയുടെ അടിസ്‌ഥാനപരമായ പ്രതിരോധശേഷി വ്യക്‌തമാക്കുന്നുണ്ട്‌.
ഈ വൈരുദ്ധ്യം തന്നെയാണ്‌ ഏറ്റവും പ്രധാനപ്പെട്ട ചര്‍ച്ചാവിഷയം. ഒരു മാസം കുതിച്ചുയരുന്ന കമ്മി, എന്നാല്‍ ആറ്‌ മാസത്തെ കണക്കില്‍ മെച്ചപ്പെടുത്തല്‍. ഈ 'സെപ്‌റ്റംബര്‍ പ്രതിഭാസ'ത്തെ എങ്ങനെ വായിക്കണം?
ചരക്കും സേവനവും:
ഇരട്ട എന്‍ജിനുകളുടെ വഴിമാറ്റം

സെപ്‌റ്റംബറിലെ മോശം പ്രകടനത്തിന്റെ യഥാര്‍ത്ഥ കാരണം കണ്ടെത്തണമെങ്കില്‍, നാം ചരക്ക്‌ കയറ്റുമതിയെയും സേവന കയറ്റുമതിയെയും പ്രത്യേകം വിലയിരുത്തണം.
സന്തോഷകരമെന്നു പറയട്ടെ, ചരക്ക്‌ കയറ്റുമതി ഈ പ്രതിസന്ധിയിലും കരുത്ത്‌ കാണിച്ചു. അമേരിക്ക ഇന്ത്യയില്‍നിന്നുള്ള ഇറക്കുമതിക്ക്‌ 50% അധിക തീരുവ ചുമത്തിയതിന്‌ ശേഷമുള്ള ആദ്യ സമ്പൂര്‍ണ മാസമായിരുന്നിട്ടും, ചരക്ക്‌........

© Mangalam