Martxoaren 8aren bueltan, ezetz esateari eta askatasun egiazkoari buruzko hainbat gogoeta egitea egokitu zait. Eta han eta hemen esan dut, ezetz esatea ez dela erraza. ... Zailagoa bilakatzen ari den zerbait dela. Hobe esanda, ezetza ulertaraztea eta onartaraztea ezinezko bilakatzen ari dela. Joko edo norgehiagoka bat da. Nork irabaziko. Normalean biren artekoa, zeinetan, batek besteak baino botere edo indar gehiago duela uste duen, eta uste horrekin jarkitzen den.

Eta jarkitzea gertatzen da sexu harremanetan baina baita ere bestelako askotariko proposamenetan.

Bazkari batera gonbidatu ninduten, proposamen baten inguruan hitz egiteko. Ezetza eman duzula esan didate, esanez hasi zen mahaikidea. Inork ez du, artean, ezetzik eman. Eta txistea egin guran, besteei proposamena finagoa egingo ziela erantzun nion. Baina aurrez aurre nuenak ez zuen irrirako gogorik. Bazkari hura ere, baietza ateratzeko saialdia zen. Ezin zaio ezetzik esan, bota zidan ondoren, lasai asko, ordura arte ulertu ez nuen zerbaitetaz hitz egiten ariko balitzait bezala.

Lagun bati ere, jazarri eta eraitsi metodoa aplikatu diote. Lehenbizi, telefono dei luzeak. Eta, azkenean, bazkaria. Hemendik ez zara zurearekin aterako, esan nahi duen giltzapetze saioa.

Ezetzik jasotzen eta jasaten ez dakien gizarte batean bizi gara. Boterea duenak (eremu ezberdinetan) bere planak egiten ditu eta plan horiek gauzatzeko izen batzuengan pentsatzen du. Ez du pertsona horien motibazioetan sakontzen. Ez du pertsona horien erabakimenean sinesten. Ez dago ezetza jasotzeko prestatuta. Eta edozer egingo du baietza jasotzeko. Kontzientzia bortxatu behar baldin badu ere.

Bazkarian aurrera egin ahala, mahai gainean jarritako proposamena bigarren plano batean geratzen da eta, orduan bai, baietza eman behar duenaren motibazioetan sartzen dira proposamen-egileak. Erratu egingo dela, damutu egingo zaiola, bere motibazio horiek ez dutela asebeteko, eta baietza eman behar duenaren inguruko pertsonekin hitz egingo dutela mehatxatuz bukatuko.

Ezetza ematea ez da erraza. Lehenbizi, ez gaituztelako horretarako hezi. Eta, bigarrenik, ezetz esatea proposamena egiten duena iraintzea edo pertsona horri huts egitea dela sentiarazten digutelako. Erabakitzeko ahalmena batzuena bakarrik izango balitz lez.

Bortxa mota asko daude, eta fisikoa ez da bakarra. Konfiantzaren eta konpromisoaren izenean derrigortzen diren kontzientziak dira askatasun eta duintasun pertsonalaren arerio handienak.

Límite de sesiones alcanzadas

El acceso al contenido Premium está abierto por cortesía del establecimiento donde te encuentras, pero ahora mismo hay demasiados usuarios conectados a las vez.

Por favor, inténtalo pasados unos minutos.

Al iniciar sesión desde un dispositivo distinto, por seguridad, se cerró la última sesión en este.

Para continuar disfrutando de su suscripción digital, inicie sesión en este dispositivo.

¿Tienes una suscripción? Inicia sesión

© El Diario Vasco