Orioko Arraunetxean izan zen topalekua. Bertan, 18 eragile eta erakundek parte hartu zuten UEMAk deituta. Arrazoia: 'Esnatu' dinamikaren berri ematea eta dinamika horretan parte hartzen ... hasi direnen konpromisoak ezagutzera ematea.

Bertaratutako erakunde eta eragile bakoitzak, nork bere konpromisoak hartu ditu, nork bere errealitate, ibilbide eta baliabideen arabera. Baina guztiok ere, borondate berak mugitu ditu: bizi dugun egoerari buelta emateko premiak. Gure herrian, gure herritarrek, euskaraz bizitzeko duten eskubidea egiazkoa bihurtu dadin bultzatzea, edo beste era batera esanda, orain arte egin dena 'iraultzea', eta orain arte izan dugun jarrera 'aldatzea'.

Atzo aurkeztu zen 'Esnatu' dinamikarekin bat eginda, harago joan nahi dute eragileek eta erakundeek. Kezkatuta agertu ziren arnasguneetan eta udalerri euskaldunetan datuek eta ikerketek erakusten duten bilakaerarekin. Eta, guztiek ere, joera hori aldatzea ezinbestekoa dela sinisten dute euskara indarberritzeko. Giltzarria dela jauzi handi bat ematea.

68ko Arantzazuko bileraren ostean ere, euskara batua ezagutarazi eta hedatu behar zenean, argiro eman zitzaien betebeharra garaiko ikastola ireki berriei, eta bertako umeei. Beraiek izango ziren euskara batua ikasiko eta hedatuko zutenak. Euskal herritar peto-petoak izango ziren lehen umeak, euskal herritar guztiak batuko zituzten umeak. Itxaropen osoa jarri zen ume haiengan. Pisu handiegia ere bai, aukeran. Baina tentsio bat zegoen. Eta tentsioak, motibazioak legez, aurrera egiten laguntzen du.

Ezaguna da traineru batean zein garrantzitsua den-denak batera aritzea. Bakoitzak bere ekarpena eginez, baina denak elkartuta lortzen dira emaitzarik ederrenak eta banderarik zailenak.

Bidea zaila eta neketsua izaten da askotan, baina konpromisoak eta norabide berean elkarrekin aritzeak ekartzen du emaitza.

Honakoan ere, tankera bertsuko egitekoa jaso behar dugu euskal herritarrok. Gutako bakoitzak burura eramango dugun egitekoa izango du. Itxaropenarekin batera, harago joaten lagunduko diguten konpromisoak hartu behar ditugu.

Atzo, Orion bildutako erakundeok, elkarrekin konpromiso berriak hartzeko prest agertu ziren eragileak izan ginen, hiru arrazoi medio: euskara arnasgunerik gabe gera ez dadin, arnasguneak eta udalerri euskaldunak sendo nahi ditugulako, eta gure esku dagoena eta dagokiguna egiteko prest gaudelako.

Límite de sesiones alcanzadas

El acceso al contenido Premium está abierto por cortesía del establecimiento donde te encuentras, pero ahora mismo hay demasiados usuarios conectados a las vez.

Por favor, inténtalo pasados unos minutos.

Al iniciar sesión desde un dispositivo distinto, por seguridad, se cerró la última sesión en este.

Para continuar disfrutando de su suscripción digital, inicie sesión en este dispositivo.

¿Tienes una suscripción? Inicia sesión

© El Diario Vasco