بجٹ پر اتفاقِ رائے کی جانب بڑھتی حکومت اور پیپلز پارٹی کی سیاست

ٹھوس دلائل کے انبار لگادینے کے باوجود کم از کم میں بے ہنر اپنے قارئین اور ناظرین کی بے پناہ اکثریت کو اپنے اس دعویٰ پر اعتبار کرنے کو مائل نہیں کرپایا کہ حال ہی میں گلگت - بلتستان کی اسمبلی کے لئے ہوئے انتخابات نسبتاََ آزاد اور منصفانہ تھے۔ سرکار مائی باپ نے محض تحریک انصاف کو کھل کر کھیلنے کی گنجائش فراہم نہیں کی۔ باقی جماعتوں کیلئے میدان کھلارکھا۔ لوگوں کے اذہان میں یہ تاثر جم چکا ہے کہ پیپلز پارٹی سے اٹھارہویں ترمیم کے تحت صوبوں کو منتقل ہوئے چند اختیارات وفاق کے حوالے کردینے کی توقع ہے۔

اس تناظر میں ترجیح فی الوقت "سیدھی انگلی" سے گھی نکالنے کو دی جارہی ہے۔ پیپلز پارٹی اسی باعث گلگت-بلتستان میں واحد اکثریتی جماعت کی صورت ابھری ہے۔ وہ بآسانی مسلم لیگ (نون) کے ساتھ ملک کر ایک مستحکم حکومت بنا سکتی ہے۔ (نون) کو رضا مند کرنے کیلئے مگر وفاقی بجٹ سرعت سے منظور کروانے کے لئے سندھ اور بلوچستان میں قائم پیپلز پارٹی کی صوبائی حکومتوں کو اپنے اخراجات میں کمی لاکر وفاق کو اضافی رقوم فراہم کرنا ہوں گی۔

اٹھارہویں ترمیم کے تحت ملے اختیارات کے حوالے سے پیپلز پارٹی لچک دکھانے کو تیار نہیں ہوتی تو اسے "آزاد امیدواروں " کی حمایت درکار ہوگی۔ "آزاد" میں سے اکثر کے دل اب بھی تحریک انصاف کے ساتھ ہیں۔ سیاسی بقاء کی خاطر اس جماعت سے مگر "دوری" اختیار کئے ہوئے ہیں۔ "آزاد" حیثیت میں منتخب ہوئے اراکین کی........

© Daily Urdu