آج جب دنیا مذہب اور نسل کی بنیاد پر تقسیم ہو رہی ہے اور انسانیت کے بنیادی حقوق پامال ہو رہے ہیں، یہ ضروری ہے کہ ہم ایک ایسے دین کی آفاقی تعلیمات کو سمجھیں جو ہر انسان کیلئے عدل، مساوات اور احترام کا درس دیتا ہے۔ میں اپنے صحافی دوست حیات ملک کے کالم "389 بیٹیاں اور ضمیر فروشوں کی خاموشی" کے پس منظر میں یہ کالم لکھ رہا ہوں، جس نے مجھے گہرا سوچنے پر مجبور کیا کہ بھارت میں مسلمان لڑکیوں کے مبینہ اغوا پر عالمی اور مقامی اداروں کی خاموشی کیا معنی رکھتی ہے۔ یہ محض ایک خبر نہیں، بلکہ ہمارے اجتماعی ضمیر کے لیے ایک سوالیہ نشان ہے۔

اسلام کا سب سے بڑا کمال اس کا عالمگیر پیغام ہے جو کسی خاص قوم، علاقے، یا زمان و مکان کی قید میں نہیں۔ یہ دین تمام بنی نوع انسان کے لیے ایک مکمل ضابطہ حیات ہے، جس کا بنیادی اصول توحید (ایک اللہ کی وحدانیت) اور انسانی مساوات ہے۔ اسلام ذات پات، رنگ و نسل، یا سماجی حیثیت کی بنیاد پر کسی بھی قسم کی تفریق کو یکسر مسترد کرتا ہے۔ قرآن مجید میں واضح ارشاد ہے:

"اے لوگو! ہم نے تمہیں ایک مرد اور ایک عورت سے پیدا کیا اور تمہیں قوموں اور قبیلوں میں تقسیم کیا تاکہ تم ایک دوسرے کو پہچان سکو۔ بے شک اللہ کے نزدیک تم میں سب سے زیادہ عزت والا وہ ہے جو تم میں سب سے زیادہ پرہیزگار ہے" (الحجرات 49:13)۔

یہ آیت اسلام کے اس بنیادی اصول کو واضح کرتی ہے کہ شرف کا معیار صرف تقویٰ ہے، نہ کہ پیدائش یا خاندانی پس منظر۔ یہی وہ تعلیم ہے جس نے صدیوں سے دبی کچلی انسانیت کو آزادی اور عزت سے سرفراز کیا۔ کالم میں برچونڈی........

© Daily Pakistan (Urdu)