Alt-Stadtrat Andreas Bossard über den schlimmen Lawinenwinter 1950/51.

Au hüür im Jänner hämmer wider äinisch froschitige Tääg ghaa. De Schnee isch uf de Schtroosse ligge blibe, und es hed kyrbschet vom Yis under de Schuene. Was gisch was hesch händ amigs s Buuamt und auch de Kanton üüsi Schtroosse gsalzet, und de schwarzi Asphalt isch fascht no wysser gsy as d Matte rundume.

Uf em Zugi obe hed me chönne Schlittle und die verzauberet Landschaft gnüüsse. Im Bäänli inne isch es wäärli international gsy. Me hed alli Sprooche ghöört. Für wenigi Tääg sind üüse Bärg und üüses Stettli emol nid e Finanz-, sondern e Winterkurort gsy. D Zugerinne und d Zuger hed me bimäich niene gsee. Me hed echli spöttisch gmunklet si sigid am Kure im Engadin, z Arosa oder z Zermatt.

S Joor 2026 wird wäg de chalte Jännertääg wäärli nid as Froschtwinter i Gschicht ygoo. Vor 75 Joore im chalte Lauijoor 1951 händ de Schnee und s Yis so richtig zuegschlaage. Gäge hundert Mäntsche sind im Jänner und im Horner (Februar) wäg de vile Laui (Lawinen) ums Lääbe choo.

My Vatter hed mir immer wider vo dem schuurige........

© Luzerner Zeitung