Á hora de escribir este artigo non son millonario. Creo que non vou chegar a iso endexamais e moito menos no tempo que separa a escrita da lectura. E supoño que ningún ultrarrico chegará a ler isto, así que podemos ser un chisco ofensivos sen nos preocupar demasiado. Establecido isto, creo estar en condicións de afirmar que ningún de nós sabemos en realidade como está o servizo  —léase con voz de Gracita Morales, por favor—, como é ter unha mansión ou como se manexa o feito de que as túas tarefas domésticas se xestionen coma unha mediana empresa, cunha ducia ou máis de empregados.

Vénse de traducir ao galego da man de Rinoceronte un interesantísimo ensaio que tivo o seu éxito en Francia. Trátase de ‘Servir os ricos’ de Alizée Delpierre. Polas notas a rodapé podemos saber que non é un........

© Galiciaé