"Zahidin bir barmağın kəssən dönər həqdən qaçar,

Gör bu gerçək aşiqi sərpa soyarlar ağrımaz”. (İmadəddin Nəsimi)

Ehtiram Quliyevin Azərbaycan futbolunun inkişafı üçün etdiklərini danmaq olmaz. İllərdi "böyük futbol”a həsrət qalan, AFFA-nın qanadı altında gününü keçirməklə məşğul olan Tovuz futbolu məhz onun gəlişindən sonra dirçəldi və əvvəlki əzəmətli günlərini xatırlatmağa başladı. Heç kimin şübhəsi yoxdur ki, tovuzlu futbolsevərlər Azərbaycanın ən yaxşı azarkeşlərindəndir. Onlar öz klublarını ürəkdən sevir, komandalarına tribunadan lazımınca dəstək verir. Bu cür azarkeşlərə də Ehtiram Quliyevin timsalında bölgə futbolu üçün böyük işlər görməyə, həmin yolda yetərli qədər pul xərcləməyə hazır olan klub prezidenti də tam layiqdir.

Təəssüflər olsun ki, Ehtiram Quliyev Tovuz futbolu üçün nə qədər böyük işlər görsə də, onun klubun ətrafına topladığı, klubun idarəetməsində böyük etimad göstərdiyi kadrlar bu işərin "kölgəsində” qalır, bir çox hallarda isə kluba zərər vurmaqdan çəkinmirlər. Belə nümunələr yetərincədir. Bir ətək pul xərclənib, stadionun aydınlandırılması üçün qoyulan projektorların küləkli havada aşması naşı idarəçiliyin........

© Qaynar