Nikol Paşinyan Avropa İttifaqına üzv olmaq istəyirdi. Elə Parisə üz tutmuşdu ki, baxıb gördü kabab iyinə gedibmiş, əslində Fransada etirazçılar təkər yandırıbmışlar... “Dərviş Parisi partladır”, filmində bir epizod var: Müsyö Jordana Fransadakı inqilab xəbəri çatandan sonra “Jordan ağa, bəs Şahbaz bəyi Parisə aparmırsan?” - soruşurlar, cavabında deyir, cinlər, əcinnələrin dağıtdığı Parisə özü necə gedəcək, bunu bilmir, Şahbazı hara aparır?..

İndi Ermənistanın vəziyyəti də firəng dilini öyrənmək istəyən bizim Şahbaz bəyin durumuna bənzəyir. Yəqin ara-sıra Paşinyan “böyük bacısı” Makrona zəng edərək, Avropa İttifaqına üzvlük məsələsini sürətləndirməsini istəyib. Bəlkə elə Makron da cavabında “mən nə hayda, sən nə hayda? Başımı itirmişəm” - deyib. Ermənilər cəhd göstərsələr, bizim tarixi filmimizə bənzər bir kino əsəri yarada bilərlər. Bəlkə elə onların da “Dərviş Məstəli Şah”ı var, cadu-piti eləyiblər ki, Paşinyan ölkəni Rusiyadan ayırıb, Avropa İttifaqına calamasın...Özü də bu ərəfədə Avropa İttifaqı Ermənistan üçün bazar açmağı planlaşdırırdı, indi budur, Fransa, İtaliya bazarları, ticarət mərkəzləri ölkə vətəndaşları tərəfindən talan edilir, yandırılır, yağmalanır...Avropanın aparıcı ölkələrindən bir neçəsi “bazar”a dönüb. İndi Ermənistan aparsın, pomidor-xiyarını satsın!

Fransa Avropa İttifaqının aparıcı ölkəsidir. Bu ölkənin Ermənistana dəstəyi bəllidir. Qarabağın işğalda olduğu illərdə Fransa hansı oyunlardan çıxırdı, onları da unutmamışıq.........

© Müsavat