Son illərdə Yaxın Şərqdə dəyişən geosiyasi dinamika fonunda Türkiyə ilə İsrail arasında münasibətlərin yenidən gərginləşməsi təsadüfi hadisə deyil. Recep Tayyip Erdoğan ilə Benjamin Netanyahu arasında qarşılıqlı ittihamların sərtləşməsi, əslində, daha geniş regional rəqabətin və ziddiyyətlərin təzahürüdür. Bu qarşıdurma yalnız iki dövlətin münasibətləri ilə məhdudlaşmır, eyni zamanda İran faktoru, Qəzza müharibəsi və böyük güclərin maraqları ilə sıx şəkildə bağlıdır.

Türkiyə rəhbərliyi İsraili regionda gərginliyi qəsdən artırmaqda və yeni düşmən obrazı yaratmaqda ittiham edir. Ankara hesab edir ki, İranla qarşıdurmadan sonra İsrailin növbəti hədəfi kimi Türkiyənin təqdim olunması siyasi manipulyasiya xarakteri daşıyır. İsrail tərəfi isə əksinə, Türkiyəni İran və onun regiondakı müttəfiqlərinə yaxınlaşmaqda günahlandırır və bu xəttin İsrailin təhlükəsizlik maraqları üçün risk yaratdığını vurğulayır. Bu qarşılıqlı ittihamlar fonunda ritorika getdikcə daha sərt və emosional xarakter alır.

Son dövrlərdə İsrail tərəfindən Türkiyə prezidenti Recep Tayyip Erdoğana yönələn təhdid xarakterli bəyanatların intensivləşdiyi müşahidə olunur. Ankara isə bu ritorikaya eyni, hətta bəzi hallarda daha sərt tonla cavab verir. Qarşılıqlı ittihamlar və sərt bəyanatlar fonunda tərəflər arasında siyasi gərginliyin artdığı aydın görünür.

Bununla belə, mövcud vəziyyəti yalnız ideoloji qarşıdurma kimi qiymətləndirmək doğru olmaz. Hər iki tərəf üçün bu........

© Müsavat