پاکستانی سیاست میں اصل کہانی وہ نہیں ہوتی جو اسٹیج پر چل رہی ہوتی ہے بلکہ وہ ہوتی ہے جو پردے کے پیچھے لکھی جا رہی ہوتی ہے۔ اس وقت بھی محسوس یہی ہوتا ہے کہ کہیں نہ کہیں اسکرپٹ میں تبدیلی جاری ہے۔ سوال صرف یہ ہے کہ کردار بدلیں گے، منظرنامہ بدلے گا یا پورا اسٹیج ہی نئے سرے سے ترتیب دیا جائے گا۔

صورتحال سے گمان ہوتا ہے آنے والے کچھ ماہ میں نون لیگ، پیپلزپارٹی سمیت اس سسٹم کی حصہ دار دیگر جماعتیں بھی تحریک انصاف کے خانے میں فٹ ہوں گی۔ سسٹم ری شیپ کرنے کی کوشش ہوگی۔ میں نہیں جانتا اس کا طریقہ کار کیا ہوگا مگر کوئی پلان شاید موجود ہے۔ آئین معطل ہونا یا مارشل لاء آنا تاحال ممکن نہیں لگتا۔ بہت سنجیدہ اور معتبر حلقوں میں یہ بات سنائی دے رہی ہے کہ پنجاب کے تین، سندھ کے دو،........

© Daily Urdu