سیاسی استحکام سے محرومی

کیئر اسٹارمر کی رخصتگی سے ایک بار پھر اِس خیال کی تائید ہوئی ہے کہ برطانیہ سے سیاسی استحکام رخصت ہو چکا ہے اور اب یہ ملک سیاسی عدمِ استحکام کا شکار ہے اگر ایسا نہ ہوتا تو چار برسوں میں ملک پانچویں وزیرِ اعظم کے انتظار میں نہ ہوتا طویل عرصے سے اقتدار و اپوزیشن جیسے عہدوں کا فیصلہ کرنے والا دو جماعتی نظام کا دم توڑنے کے قریب ہے نئی سیاسی جماعتوں کو عوام کی طرف سے پزیرائی ملنا اِس کی دلیل ہے جس سے یورپ میں سیاسی استحکام کی علامت سمجھا جانے والا برطانیہ مسلسل بحرانوں کی زد میں ہے۔

صرف گزشتہ دس برسوں کے سیاسی منظر نامے کا جائزہ لیں تو ملک کے چھ وزرائے اعظم مدت پوری کرنے کی بجائے قبل از وقت عہدوں سے مستعفی ہوئے جسے دو صدیوں میں تنزلی کی تیز ترین رفتار کہہ سکتے ہیں کیئر اسٹارمر کا پانچ سالہ مدت پوری کرنے کا خواب ایسے بھیانک طریقے سے ٹوٹا ہے کہ رندھی آواز کے ساتھ پیر کو استعفے کا اعلان کرنے کے بعد 10 ڈاؤننگ سٹریٹ کے باہر اُنھیں گلے لگانے کو صرف اہلیہ ہی مِل سکی۔ اقتدار سے الگ ہونے کے بعد ایسی بے قدری یا بے زاری صرف تیسری دنیا کے ممالک میں نظر آتی ہے لیکن برطانیہ جیسے ملک جِسے اپنی جمہوری اقدار پر ناز ہے اور مہذب ہونے کا دعویٰ بھی، کے مناظر نے اقتدار و اختیار چھن جانے کے بعد کی کمزوری کو اُجاگر کیا ہے۔

اب دیکھنا یہ ہے کہ کیئر اسٹارمر کے بعد وزیرِ اعظم کے عہدے کے بڑے اور اہم ترین امیدوار گریٹ مانچسٹر کے مئیر اینڈی برنہم کچھ سیاسی و معاشی سحرسے عوام کو گرویدہ کرسکیں گے تاکہ ملک ایک بار پھر سیاسی استحکام پر سفر شروع کرنے کے قابل ہوجائے بظاہر........

© Daily Urdu