زندگی میں ہر انسان ایک خوبصورت پہچان اور عزت چاہتا ہے۔ ہر شخص کی خواہش ہوتی ہے کہ لوگ اسے احترام کی نگاہ سے دیکھیں، اس کی بات کی قدر کریں اور اس کی موجودگی دوسروں کے لیے باعثِ خوشی ہو۔ لیکن افسوس کہ آج کے دور میں عزت کو دولت، شہرت، عہدے اور ظاہری کامیابیوں سے جوڑ دیا گیا ہے، حالانکہ حقیقت اس کے برعکس ہے۔ اصل عزت نہ لوگوں کے ہاتھ میں ہوتی ہے، نہ دنیا کے معیاروں میں، بلکہ اصل عزت صرف اللہ تعالیٰ کے اختیار میں ہوتی ہے۔

قرآنِ کریم ہمیں یہ حقیقت یاد دلاتا ہے کہ عزت کا مالک صرف اللہ ہے۔ وہ جسے چاہے عزت عطا فرمائے اور جس سے چاہے عزت واپس لے لے۔ اس لیے جو شخص اپنی عزت کو لوگوں کی رائے سے وابستہ کر لیتا ہے، وہ ہر وقت پریشان رہتا ہے، کیونکہ لوگوں کی رائے بدلتے دیر نہیں لگتی۔ آج تعریف کرنے والے کل تنقید بھی کر سکتے ہیں، مگر اللہ کی عطا کی ہوئی عزت کبھی ضائع نہیں ہوتی۔

جب انسان کا یقین اپنے رب پر مضبوط ہو جاتا ہے تو وہ ٹوٹتا نہیں، بکھرتا نہیں بلکہ سنبھلنا سیکھ لیتا ہے۔ وہ حالات کی سختیوں کو اپنی ناکامی نہیں سمجھتا بلکہ انہیں اللہ کی حکمت کا حصہ جانتا ہے۔ وہ جان لیتا ہے کہ ہر آزمائش کے پیچھے کوئی نہ کوئی بھلائی ضرور پوشیدہ ہوتی ہے۔ کبھی........

© Daily Urdu